Qidiruv

ot Gʻoyaviy jihatdan boʻshlik, puchlik.

ot 1. Obyektiv borliqni, voqelikni kishi ongida aks ettiruvchi, ayni zamonda kishining obyektiv borliqqa, voqelikka munosabatini ifodalovchi, kishilarning dunyoqarashlari asosini tashkil etuvchi, odamlarni maqsad sari yetaklovchi fikr, tushuncha, tasavvur.

Eski gʻoyalar va qarashlar ularni yuzaga keltirgan shart-sharoitlarga nisbatan uzoqroq umr koʻradi. — Gazetadan

Yozingiz, mana shu qurʼon hurmati bilan qasamyod qilib aytamanki, men oʻzimning kurashchan qobiliyatimni shu jamiyatning gʻoyalari yoʻlida tugatajakman [dedi nomaʼlum kishi]. — N. Safarov, Tarix tilga kirdi

Dinning vazifasi — gʻoyalar va eʼtiqodlar tizimini sharhlash, izohlash hamda qayta ishlashdan iborat. — Muloqot

2. Badiiy, siyosiy yoki ilmiy asarning mazmuni, tub mohiyatini belgilovchi asosiy fikr.

Asarlarning xalq mulki boʻlib qolishiga sabab shuki, u asarlar magʻziga singdirilgan gʻoya kishilar diliga, ularning istaklariga yaqindir. — N. Safarov, Olovli izlar

Bu novellalar muayyan maʼnoda mustaqil asardek taassurot qoldiradi va ayni vaqtda bir-biri bilan bogʻlanib, umumiy asarning gʻoyasi va ruhini ochishga boʻysundiriladi. — S. Siyoyev, Yorugʻlik

3. Biror ish-harakat qilish haqidagi fikr, oʻy; niyat, maqsad.

Kishi astoydil mehr qoʻygan gʻoyasini doim eng toʻgʻri va keng tarqalgan deb his qiladi. — Shuhrat, Jannat qidirganlar

Shoʻroʻzakni oʻzlashtirish gʻoyasini birinchilar qatori Tursunmat olgʻa surgan edi. — Oʻzbekiston qoʻriqlari.

Mening uchun koʻyingizda va oyogʻingiz uchida jon berish juda shirin edi va koʻpdan beri gʻoyam edi. — A. Qodiriy, Oʻtgan kunlar

Haddan tashqari, nihoyatda, juda.

Gʻoyatda goʻzal. Gʻoyat kuchli.

Uyimiz gʻoyat shinam, Hammaga joy bor. Mehmonlar yulduz boʻlsa, Oʻrtada oy bor. — M. Shayxzoda.

Majlisga choʻkkan gʻoyat ogʻir vaziyatni tarqatish uchun tanaffus eʼlon qilindi. — H. Nazir, Koʻkterak shabadasi

Umid gʻoyatda xursand, orderni olgan kuniyoq darrov koʻchib ketdi. — Mirmuhsin, Umid

sft. (aniqlovchi soʻz bilan) Gʻoyaga ega.

Yuksak gʻoyali.

sft. Aniq bir siyosiy yoki maʼnaviy maqsadi boʻlmagan; tuturiqsiz.

sft. 1. Muayyan bir gʻoyaga asoslangan.

Gʻoyaviy tarbiya. Gʻoyaviy qurol. Gʻoyaviy kurash.

Oʻqituvchi — gʻoyaviy front jangchisi. — Fan va turmush

2. Biror narsaning asosiy mohiyatini, gʻoyasini ifodalaydigan; gʻoya jihatidan.

Pyesaning gʻoyaviy mazmuni.

Redaksiya jamoasi Oʻzining gʻoyaviy saviyasini, badiiy mahoratini oshirmoqda. — L. Hamroyev, Shonli yoʻl

Badiiy jihatdan pishiq, gʻoyaviy sogʻlom, xalqchil, tomoshabin qalbiga yaqin boʻlgan har bir asar zamonaviy boʻla oladi. — Gazetadan