«gʻovlatmoq» — qidiruv

gʻovlatmoq

Izohli lugʻat

fl. Gʻovlamoq feʼlining orttirma nisbati.

Toʻliq maqola →

gʻovlamoq

Izohli lugʻat · yana 3 ta lugʻatda

fl. 1. Hosili yaxshi boʻlmay, oʻsishi kuchaymoq; ortiq darajada boʻyiga oʻsmoq.

Sal ehtiyotsizlikka yoʻl qoʻysak, gʻoʻza gʻovlab, hosilni boy berib qoʻyishimiz turgan gap. — Oʻzbekiston qoʻriqlari

Shunday hollar boʻladiki, ekin uch marta va undan koʻproq oziqlantiriladi, lekin u gʻovlamaydi, hosili moʻl, gʻoʻzapoyasi normal boʻladi. — Gazetadan

2. koʻchma Avjlanmoq, kuchaymoq, zoʻraymoq (odatda, salbiy narsa-hodisalarga nisbatan qoʻllanadi).

Kibr-havosi gʻovlab ketgan tergovchi boshini koʻtarib, xoʻsh? deyishni ham ep koʻrmadi. — V. Mahkamov, Ham aylanib, ham oʻrgilib

Bolaligidan boshqalardan ajralib turishga intilish balogʻatga yetgan sari gʻovlab ketdi. — Shuhrat, Shinelli yillar

Boʻlsa — boʻlar, boʻlmasa — gʻovlab ketar Nima boʻlsa boʻlar degan maʼnoli, eʼtiborsizlik, loqaydlikni qayd etuvchi ibora. Bu tom va devorlar uzoqdan goʻyo biron hafsalasiz odam boʻlsa — boʻlar, boʻlmasa — gʻovlab ketar qabilidan qilib, omonatgina qoʻnqaytirib qoʻygandek koʻrinadi. — H. Shams, DushmanMuzaffar ham boʻlsa —boʻlar, boʻlmasa — gʻovlab ketar qabilida ish tutyapti. — J. Abdullaxonov, Toʻfon
Kallasi (yoki miyasi, boshi)gʻovlamoq Nima qilarini bilmay qolmoq, boshi qotmoq. Umuman, odamlarga yaxshi qoʻshilolmaydigan Komil kattalar oldida oʻzini yoʻqotib qoʻygan edi. Hozir uning kallasi gʻovlab, qulogʻi shangʻillar edi. — M. Osim, Tilsiz guvohChuqur xayolga tolgan Mahkam akaning miyasi gʻovlab, gangib qolgandi. R. Fayziy, Hazrati inson. — Shu alpozda.u boshi gʻovlab, peshingacha telbalardek shaharda tentirab yurdi. — F. Musajonov, Himmat

Toʻliq maqola →

Qidiruv