Қидирув

от 1. Оқ, кулранг ёки сарғиш рангли минерал, калсий сулфат (пиширилиб, кукун ҳолига келтирилган гипс қурилиш материали сифатида ишлатилади).

Гипсдан ясалган ҳайкал. Гипс кони

Қуруқ иқлимли регионларда тош ва ош тузлари, калий, гипс тўпланади. — Фан ва турмуш

2. тиб. Чиққан, синган аъзони қимирламайдиган қилиб, тахтакачлаб қўйиш учун шу материалдан қўйилган боғлама.

Максимнинг ҳисобича, Норматнинг оёғидаги гипсни олишга яна бир кун бор эди. — И. Раҳим, Чин муҳаббат

Иккита койкадаги ярадорлар тузалиб, куни кеча фронтга жўнаб кетишди. Оёқлари гипсда тахтакачлаб қўйилган учувчи-лейтенант билан чўлоқ старшина қолишди. — Ҳ. Ғулом, Тошкентликлар

от 1. Бош миянинг муайян қисмларидаги тормозланиш оқибатида инсон ёки юқори умуртқали ҳайвонларда рўй берадиган ўзига хос уйқу ҳолати.

2. Кишини гипнотик уйқу ҳолатига келтириш орқали унга сўз билан таъсир ўтказиш ва шу ёʻл билан ундаги баъзи касалликларни даволаш усули.

Гипноз билан даволамоқ.

Ўғрини гипноз билан тутаман. — П. Турсун, Ўқитувчи.

от Бўртма газмол, қавариқ тўр;

гипюр кўйлак.

от Протондан оғирроқ, турғун бўлмаган элементар зарра

от анат. Одам ва барча умуртқали ҳайвонларда бош миянинг асос қисмида жойлашган, қондаги гормонлар иштирокида организмнинг ўсиши ва ривожланишига таъсир этадиган ички секреция бези.

Бу модда (рух) асосан гипофизда, ошқозон ости безида йиғилади. — Фан ва турмуш

от Ҳали тажрибада синалмаган, исбот қилинмаган илмий тахмин, фаразия.

Обид Ёʻлдошевичнинг гипотезаси тўғри чиқди. — П. Қодиров, Уч илдиз

У [Авлиё ака] сув ҳавзаларидаги майда ҳайвонларни ўрганиш натижасида уларнинг келиб чиқиши ва тараққий топиши ҳақида биология фанига янги гипотеза киритди. — Газетадан