Қидирув

рвш. 1. Дунёнинг тўрт томонидан бири; шарққа қарама-қарши томон, қуёш ботадиган томон; кунботар.

Ғарбдан эсган шамол.

Офтоб ғарбга ёнбошлаганда, икки ёʻловчи даштдан чиқиб, тепаликка ёʻл олди. — А. Қаҳҳор, Мастон

2. Маълум бир обект, ҳудуд, майдон, бино ва шу кабиларнинг ғарб томони, ғарбий қисми.

Ўзбекистоннинг ғарби.

Отабек майдонда отини супуриб эгарлар экан, майдоннинг ғарбидаги хароба уйнинг деворидан бир бош кўтарилиб, унга қараб турар эди. — А. Қодирий, Ўтган кунлар

Жарнинг нариги томони бир тепадан иборат бўлиб, жануб биқини маълум Чақар суви билан, ғарби Бўз-сув ва Кўкча ариғи билан ўралган. — А. Қодирий, Ўтган кунлар

3. с. т. Ғарбий. Европа, Ғарбий Европа мамлакатлари.

Жаннанинг ўзи ғарбда тикилган, кўкрак чўнтаги устига лотин ҳарфидан белгилар қўйилган желатка топиб келиб, Умидга кийгизди. — Мирмуҳсин, Умид

сфт. Ғарб томонда жойлашган, кунботар томондаги.

Ғарбий мамлакатлар. Ғарбий. Европа, Республикамизнинг ғарбий қисми.

Мирзаев Ғарбий фронтнинг ўзида учта хат, иккита совға олган эди. — А.Қаҳҳор, Кўк конверт

от Ғарбпарастлик (19-аср ўрталарида рус буржуа-дворянлари ўртасида юзага келган, Россия Ғарбий Европа тараққиёти ёʻлидан бориши керак деб билган либерал ижтимоий оқим).

сфт. Ғарб. билан жануб томонлар оралиғида жойлашган: ғарб билан жануб томонлар оралиғидаги.

Бу бурчдан қараган кишига қўрғоннинг ғарби-жанубий бурчи ҳам кўриниб, шу ёʻсинда тўрт бурчини айланиб чиқилса бизга таниш ўрда дарбозасига келинадир. — А. Қодирий, Ўтган кунлар

сфт. Ғарб билан шимол томонлар оралиғида жойлашган; ғарб билан шимол томонлар оралиғидаги.

Лагернинг ғарби-шимолий томони, ўқтин-ўқтин учраб қоладиган тепаликларни ҳисобга олмаганда, кўзга илғанмас яйлов. — Шуҳрат, Шинелли йиллар

от Жануб билан ғарб ўртасидаги тараф; жануб билан ғарб ўртасидаги ёʻналиш.

Тошкентнинг жануби-ғарбида.