Qidiruv

sft. Biror yomon niyat yoki shaxsiy manfaat koʻzda tutilmagan; gʻarazi yoʻq, begʻaraz.

Gʻarazsiz gap. Gʻarazsiz ish.

Men hech bir gʻarazsiz, bolalarcha soddalik bilan: — Oq gul Qutbiya opamning yuziga oʻxshaydi! — dedim. — S. Ayniy, Esdaliklar.

sft. 1. kam qoʻll. Shaxsiy manfaat; maqsad, niyat.

Buni koʻrib, Sidiqjonning qalbida bu juvonga nisbatan har qanday gʻarazdan xoli bir mehr uygʻondi. — A. Qahhor, Qoʻshchinor chiroqlari

Yigitali bu munosabat tagida nima bor — biron gʻaraz, manfaat yoki shunchaki odamgarchilikmi — bilmasdi. — D. Nuriy, Osmon ustuni

Bir necha kun yaxshigina yashadilar endi bilsak, qiz oʻlgurning gʻarazi boshqa ekan. — Choʻlpon, Kecha va kunduz

2. Yomonlik koʻzda tutilgan maqsad, koʻrolmaslik munosabati.

Dastlab uning muomalalari Nuriga dagʻalroq koʻrinsa-da, keyincha unda hech qanday adovat, gʻaraz yoʻqligini, tabiati shunday keskinroq ekanini tushundi. — Oybek, Tanlangan asarlar

Oʻzaro nizoning dard-u marazi Tinkamizni quritdi, xunoba qildi. Talashgan xonlarning kek-u gʻarazi Yetdi yurt boshiga — xaroba qildi. — M. Shayxzoda

sft. Gʻarazi bor, yomon maqsad koʻzda tutilgan.

Gʻarazli gap. Gʻarazli ish.

Gʻarazli fikr aksar soʻzlaguvchini sharmanda qiladi. — A. Qodiriy, Mehrobdan chayon

Doʻstlarning haq soʻzi achchiq boʻlsa ham, Gʻarazli, xushomad soʻzdan yaxshidir. — Gʻ. Gʻulom

ot ayn. Gʻarazgoʻy.

Gʻarazchi odam.

Modomiki, oʻz gʻarazi yoʻlida istibdod orqali el ustiga hukmron boʻlgʻuvchilar yoʻqolmas ekanlar — bizga najot yoʻqdir, magar shunday gʻarazchilarni, ular kim boʻlsalar ham, ish boshidan quvlash va ular oʻrniga yaxshi va xolis odamlarni oʻtqazish najotimizning yoʻlidir. A. — Qodiriy, Oʻtgan kunlar

ot Gʻaraz bilan ish tutuvchi; gʻarazchi.

Dilda kek saqlovchi, gʻarazgoʻy kishi aslo oʻqituvchi boʻla olmaydi. — R. Usmonov, Odobnoma

Sizning adolatli hukmingizdan bir narsani soʻraymiz bizning toʻgʻrimizda yomon maqsad bilan sizga chaqimchilik qiluvchi igʻvogar va gʻarazgoʻylar bu majlisga hozirlansinlar. — A. Qodiriy, Oʻtgan kunlar

Shunday rangi toza yigit Mahkamning tasavvuridagi gʻarazgoʻy amalparastga hech ham toʻgʻri kelmasdi. — P. Qodirov, Uch ildiz

ot Gʻarazli munosabat, yomon maqsad, koʻra olmaslik tuygʻusi.

Ammo Yoʻldoshning koʻnglida bunday reja yoʻq. Agar boʻlsa, bu gʻarazgoʻylik, doʻstga nisbatan insofsizlik boʻlardi. — A. Muxtor, Chinor

Kimdir gʻarazgoʻylik bilan mashina terimiga ajratilgan maydonga suv qoʻyib yuboribdi. — N. Safarov, Uzoqni koʻzlagan qiz