Қидирув

от 1. Ип, сим, лента каби узун нарсаларни ўраб жойлаш учун мосланган буюм.

Плёнка ғалтаги. Ғалтакка ўралган ип. Симни ғалтакка ўрамоқ.

Тўққиз аёл ҳаммаси ишда — оёқлари тепки-да, қўллари тасма, ғалтак билан дастакда. — А. Мухтор, Опа-сингиллар

Йигитлар нариги соҳилга тортилган икки пўлат арқонни ғалтакка ўраб, кемани нариги соҳилга аста силжитар эдилар. — С. Абдулла, Қувғунда

3. Электротехника ва радиотехникада махсус сим ўрами.

4. с. т. Бирор нарсани текислаш, силлиқлаш ёки деворларга гул солиш учун ишлатиладиган, ўққа ўрнатилган ғалтаксимон мослама.

Ғалтак билан деворларга гул солмоқ. Ойнага ёпиштирилган фоторасмлар сувини ғалтак билан сидирмоқ

5. Баъзи қурилма, мосламаларнинг айлантириладиган қисми.

Қаттиқ титраётган қўлининг кўрсаткич бармоғини телефон ғалтагининг о тешигига тиқиб айлантирди. — Н. Аминов, Қаҳқаҳа

Ғалтакдан икки қулоч билет тортиб йиртди-да, отанинг кўкрагига отди. — С. Нуров, Нарвон

6. с. т. Замбилғалтак.

Ер қазиш, замбар кўтариш, оғир ғалтакни суриш Пўлат учун таниш ишлар. — Ш. Рашидов, Қудратли тўлқин

Тўрт кун ғалтакда тупроқ ташиб ҳолдан тойгач — А. Мухтор, Кумуш тола

от қ. х. Судралганда юмалаб, шудгорни текислайдиган, мола ўрнида ишлатиладиган ёғоч ғўла.

от 1. Бир ғилдиракли қўл аравача; замбилғалтак.

Бул важдан муҳтарамайн [ота ва она] паришон ва дилгир бўлиб, чорасига киришиб, фақирга ғалтакарава муҳайё қилибдирлар. — А. Қодирий, Кичик асарлар

2. Уч ёки тўрт ғилдиракли, шифохоналарда беморларни кўчириш учун ишлатиладиган аравача.

Касали енгил беморлар кўмагида Ёлғизжонни авайлаб, ғалтакаравага кўтариб ётқизишди. — Р. Раҳмон, Меҳр кўзда

Сезгир элементи кучли магнитнинг халқасимон тирқишида жойлашган индуктив галтак билан боғланган диафрагма бўлган электродинамик микрофон.

от Замбилга ўхшатиб ясалган ва юк ташишда фойдаланиладиган, бир ғилдиракли икки дастали қўл арава.

От-арава ва замбил ғалтакларда тош ташишга ўн беш киши ажратилди. — П. Турсун, Ўқитувчи

Қария қовун, ошқовоқ ва помидор палаги, совуқ урган гул хазонлари ортилган замбил-ғалтакни тиришиб ҳайдаб келарди. — Н. Аминов, Суварак