Қидирув

от Форс — эронлик шахс; Эрон жанубидаги вилоят номи.

Форс тили. Форс қизи.

У араб, форс тилларини яхши эгаллаган. — Ойбек, Навоий.

Ҳамза отасидан таълим олиб, ўн беш ёшида форс, араб тилларидаги китобларни ўқийдиган бўлди. — К. Яшин, Ҳамза.

от 1. .

2. Маълум тоифадаги кишилар учун мўлжалланган, ранги, тикилиши ва бошқалар белгилари жиҳатидан бир хил кийим.

Ҳарбий форма. Мактаб формаси. Милиция формаси.

Пўлатжон учувчи формасида тушган суратини ҳам юборибди. — Ҳ. Назир, Сўнмас чақмоқлар

от 1. тар. Қадимги Римда халқ йиғинлари, ярмаркалар, суд мажлиси ва бошқалар тадбирлар ўтказиладиган майдон.

2. Кенг ваколатли йиғилиш, анжуман.

Бутун дунё ёшлар форуми. Журналистлар форуми.

Икки қитъа ёзувчилари форуми дўстлик ва бирдамлик байрамига айланиб кетди. — Газетадан

от Китоб, дафтар, варақ, карточка ва шу кабиларнинг энига ва бўйига кўра катта-кичиклиги, ўлчови.

Қоғоз формати. Катта форматга эга бўлган китоб.

от 1. Бирор қоида, воқеа-ҳодиса, қонун ва шу кабиларнинг барча хусусий ҳолатлар учун татбиқ этиладиган аниқ, қисқа ва умумий таърифи, ифодаси.

Абдужалил бой ўзининг бу кашфиётини қуйидаги формуладан келтириб чиқаради — А. Қодирий, Обид кетмон

2. мат. Бирон-бир гап, фикр, тасдиқни ифодаловчи математик белгиларнинг ўзаро уйғун бирикмаси, комбинацияси.

Алгебраик формула. Қўшиш формулалари.

Ёʻлдош қўлида тайёр тутиб турган ён дафтарчасини Элмуроднинг олдига қўйиб, ундаги формулани бир чеккадан уқтира бошлади. — Шуҳрат, Шинелли йиллар

У бир варақ қоғозга тажрибанинг формуласини шоша-пиша ёзиб кўрсатди. — Ў. Ҳошимов, Қалбингга қулоқ сол

3. ким. Бирор бирикманинг элементлар номи ўрнида қўлланувчи лотинча ҳарфлар ҳамда элементларнинг айни бирикма таркибидаги миқдорий нисбатини кўрсатувчи рақамлар билан ёзилган қисқача ифодаси; масалан, Накл — ош тузининг формуласи.