ot 1. esk. 1 Biror son yoki miqdorning yuzdan bir hissasi, ulushi (% belgisi bilan ifodalanadi).
Korxonamizdagi xizmatchilarning ellik foizi — xotin-qizlar.
Birov birovni yomonlasa, kamida oʻsha zahoti sakson foiz ishonamiz! — Yu. Shomansur, Qora marvarid
2. Qarzga olgan puldan foydalanganlik uchun pul egasiga toʻlab turiladigan haq, foyda.
Yaqinda bir million sakkiz yuz ming soʻm pulini bankka qoʻyibdi. Yana yiliga olti foiz foydasi bilan. — K. Yashin, Hamza
3. Daromadga qarab toʻlanadigan yoki olinadigan hissa.
- Yuz foiz Toʻla-toʻkis; butunlay, boshdan-oyoq. Gapingiz yuz foiz toʻgʻri.Emin Usmonovning asari toʻgʻrisidagi fikrlaringizga yuz foiz qoʻshilaman. — Sharq yulduzi