Qidiruv

ot 1. Suyuqlik yoki gazlarni keraksiz aralashmalardan tozalash uchun xizmat qiladigan moslama, suzgich.

Toʻr filtri. Protivogaz filtri. Vinoni filtrdan oʻtkazmoq.

suvlar shagʻal, qumlar va yer ostidagi boshqa jinslar orasidan sizib, filtrdan oʻtgandek tozalanib keladi, natijada chuchuk, zilol suv boʻlib qoladi. — Gazetadan

2. Elektr zanjiriga ulanadigan va maʼlum chastotadagi elektr toki, elektromagnit, yorugʻlik nurlari yoki tovush toʻlqininigina ajratib oʻtkazadigan asbob.

Akustik filtr. Elektr filtri.

sft. Tozalash moslamasiga ega; tozalash xususiyati mavjud.

Zavodning bosh korpusida, sexlar va uchastkalarda filtrli kameralar oʻrnatilgan. — Gazetadan

[Qiz] Filtrli sigaret chekib oʻtiribdi. — M. Ismoiliy, Odamiylik qissasi

fl. Filtrdan oʻtkazmoq, suzmoq.

Filtrlash laboratoriyasida loyqa suyuqliklarni tozalash uchun ular filtrlanadi. — Fan va turmush

Korxona mutaxassislari ishlab chiqqan maxsus moslama sexlar havosini filtrlab beradi. — Fan va turmush

ot 1. Filtrdan sizdirib oʻtkazib tozalash, filtrlash.

2. Suvning gʻovak qatlamlardan tabiiy holda sizib, tozalanib oʻtishi, filtrlanishi.

fl. Filtrlamoq feʼlining majhul nisbati.

ot Oqova suvlarni biologik yoʻl bilan tozalaydigan inshoot.

Atrof muhit ekologiyasini yaxshilashda biofiltrning ahamiyati katta. — OʻzME