Қидирув

от 1. зоол. 1 Африка ва Осиёда яшайдиган, сутемизувчилар синфига мансуб, сиртга чиққан иккита узун, курак тишли ва бақувват хартумли, ўсимликлар билан овқатланувчи улкан жуссали ҳайвон.

Қуруқда яшовчи ҳайвонларнинг энг йириги филдир. — Зоология

Чивин кўплашса, филни йиқитади, деган гап бор. — И. Раҳим, Чин муҳаббат

2. Шахмат тахтасида бурчак ҳаракати (диагонал) бўйича истаган катакка юра оладиган сипоҳ.

[ Шайхулислом] Э.. Э.. ғалат, филингизни кўрмабман. — Уйғун ва И. Султан, Алишер Навоий

3. кўчма Бақувват, қудратли, катта имкониятларга эга.

Халилов билан баҳслашиб ўтириш шартми! Халилов — фил, сен — қўчқор. — И. Раҳим, Ихлос

от 1. кино 1 Теле-, видео- ёки кинокартина: ягона сюжет билан боғлиқ, кетма-кет плёнкага олинган ва экранда намойиш қилишга мўлжалланган фототасвирлар мажмуи (яна

Овозсиз филм. Бадиий филм,

Дастлаб кинотомошабинлар ўзбекчалаштирилган филмларни кўриб, ҳайрон бўлишган. — Ғ. Саломов, Таржима назариясига кириш

Кеча охирида Кўринмас киши бадиий филми намойиш қилинди. — С. Аҳмад, Юлдуз

2. Кинофилмнинг кинотеатрларда намойиш қилинадиган бир нусхаси.

от 1. Суюқлик ёки газларни кераксиз аралашмалардан тозалаш учун хизмат қиладиган мослама, сузгич.

Тўр филтри. Противогаз филтри. Винони филтрдан ўтказмоқ.

сувлар шағал, қумлар ва ер остидаги бошқа жинслар орасидан сизиб, филтрдан ўтгандек тозаланиб келади, натижада чучук, зилол сув бўлиб қолади. — Газетадан

2. Электр занжирига уланадиган ва маълум частотадаги электр токи, электромагнит, ёруғлик нурлари ёки товуш тўлқининигина ажратиб ўтказадиган асбоб.

Акустик филтр. Электр филтри.

от Фил боқувчи ва филни ҳаракат пайтида бошқарувчи киши.

Филбондан ошнанг бўлса, дарвозангни катта қил. — Мақол

Филбонларнинг ҳайқириғи остида азамат йигитлар юкни тушириб, бурунлари ерга теккундай букчайиб ташийдилар. — Ойбек, Навоий

Фил ҳайдовчилар, яъни филбонлар уни ювинтириб, қашлаб боқади. — Ҳ. Хасанов, Экватордан ўтганда

от рвш. эск. кт. Тезлик билан, ҳозирнинг ўзида; дарҳол.

Отаси буюрдики, филҳол анвои лазиз таомлардин пиширгайлар. — А. Қаҳҳор, Миллатчилар

Филҳол тилини кестиринг, қулоғимиз тинсин! — К. Яшин, Ҳамза

от Бирор йирик корхона, муассаса ёки жамоат ташкилотининг мустақил бўлими, шўба. Илмий-тадқиқот институтининг филиали.

Бешёғочда Семурғ фирмасининг филиали бор. — Газетадан