Қидирув

от 1. Табиат ва жамиятнинг тараққиёт қонуниятларини очиб берувчи ҳамда ўзи эришган натижалар билан атроф муҳитга таъсир кўрсатувчи билимлар тизими.

Фан асослари. Фан ютуқлари.

Ҳар бир фаннинг ўзига хос сири ва сеҳрли томонлари бўлади. — Ёшлик

Фан тарихида қизиқарли ҳодисалар кўп учрайди. — Фан ва турмуш

2. Шундай билимлар тизимининг алоҳида тармоғи, ёʻналишлари, соҳалари.

Аниқ фанлар. Ижтимоий фанлар. Табиий фанлар. Физика фани. Тилшунослик фани.

Биласизми, бўталоғим, табиий фанлар даврнинг зарурий эҳтиёжларидан вужудга келади. — С. Кароматов, Олтин қум

Биология фани ҳам ниҳоятда ривож топиб кетди. — Ж. Абдуллахонов, Орият

от Баъзи шарқ мамлакатларида кийиладиган, попук қадалган кесик конус шаклидаги бош кийим; ҳожи дўппи.

Вазир бахмал фас кийган. — Шарқ юлдузи

Абдулвоҳид кичкина, чўзинчоқ бошидаги тоза, кўркам саллани қозиққа илди-да, эски айниган фасни — ҳожи дўппини кийди. — Ойбек, Нур қидириб

от Инсоннинг тушуниш, англаш, онгли сезиш қобилияти; идрок, фаросат; ақл.

Аждод-у боболарнинг фаҳмига балли: Илк деворни урганлар, кулба қурганлар. — М. Шайхзода.

Фаҳмини еб қўйган қай бир ногирон Демишки, кўр бўлсин буткул бу дунё. — А. Орипов, Йиллар армони.

от

Компютер, факс, уяли телефон каби мўжизалар ҳаётимизга нисбатан яқинда кириб келди. — Газетадан

Вилоят почта бўлимларида 16 та компютер 3 та факс аппаратлари ўрнатилган. — Газетадан

от 1. Ўйлаб топилмаган, уйдирма бўлмаган, реал, мавжуд нарса; ҳақиқий воқеа, ҳодиса.

Суҳбатларни жонли, қизиқарли, турмушдаги фактларга суяниб ўтказиш керак. Р. Файзий. — Чўлга баҳор келди.

Ҳар қандай дадил фантазиянинг замирида ҳам ҳаётий тажриба, реал фактлар, манзаралар ётади. — У. Норматов, Талант тарбияси

2. Бор нарса, воқеа ёки ҳодиса ҳақида маълумот, далил.

— Ҳамма бўлган фактларни ёза бер. — П. Турсун, Ўқитувчи

Энди у дангал фактларни рўпара қилишга ишга қарор берди. — П. Турсун, Ўқитувчи.

3. Бирор нарса ҳақида хулоса чиқариш, қатъий бир фикрга келиш учун хизмат қиладиган нарса, асос (масалан, ҳужжат, далил, мисол). Жиноят юзасидан йиғилган фактлар етарли эди.

Юридик аҳамиятга эга бўлган фактларни аниқлаш тўғрисидаги суд ишларини кўриб чиқиш практикаси муҳокама этилди. — Газетадан

Шундан сўнг раис Низомиддиновга танбеҳ қилди: Конкрет фактларга ўтинг. — А. Қаҳҳор, Танланган асарлар

от 1. эск. кт. Ёʻқ бўлиб кетиш, ўлиш.

Гарчи фано ҳар кимсага Азалий бир қисматдир. — А. Орипов, Онажон

2. Ўзидан ва бутун борлиқдан кечиб, илоҳиётга сиғиниш.

— Умримни фақру фано ёʻлига бағишламоқ ниятидамен, — кўзларидаги ҳасратни учқунлантириб гапирди — Хайдар. Ойбек, Навоий

Дунёнинг ҳой-ҳуйидан этак силтаб, фақр ва фано ёʻлини туцинми? — Ойбек, Навоий