Қидирув

от 1. Табиат ва жамиятнинг тараққиёт қонуниятларини очиб берувчи ҳамда ўзи эришган натижалар билан атроф муҳитга таъсир кўрсатувчи билимлар тизими.

Фан асослари. Фан ютуқлари.

Ҳар бир фаннинг ўзига хос сири ва сеҳрли томонлари бўлади. — Ёшлик

Фан тарихида қизиқарли ҳодисалар кўп учрайди. — Фан ва турмуш

2. Шундай билимлар тизимининг алоҳида тармоғи, ёʻналишлари, соҳалари.

Аниқ фанлар. Ижтимоий фанлар. Табиий фанлар. Физика фани. Тилшунослик фани.

Биласизми, бўталоғим, табиий фанлар даврнинг зарурий эҳтиёжларидан вужудга келади. — С. Кароматов, Олтин қум

Биология фани ҳам ниҳоятда ривож топиб кетди. — Ж. Абдуллахонов, Орият

от 1. эск. кт. Ёʻқ бўлиб кетиш, ўлиш.

Гарчи фано ҳар кимсага Азалий бир қисматдир. — А. Орипов, Онажон

2. Ўзидан ва бутун борлиқдан кечиб, илоҳиётга сиғиниш.

— Умримни фақру фано ёʻлига бағишламоқ ниятидамен, — кўзларидаги ҳасратни учқунлантириб гапирди — Хайдар. Ойбек, Навоий

Дунёнинг ҳой-ҳуйидан этак силтаб, фақр ва фано ёʻлини туцинми? — Ойбек, Навоий

от 1. Юпқа қилиб текисланган ёғоч тахталарни устма-уст, қатлам-қатлам елимлаб ёпиштириб тайёрланган қурилиш материали.

Аҳмад шиддат билан фанердан ясалган кичкина дарчани тақиллатди. — Ф. Мусажонов, Ҳиммат

Шу маҳал якка табақали фанер эшик очилиб, остонада шифтдай бўлиб, Тўрабек кўринди. — М. Мансуров, Ёмби

2. Мебелларнинг сиртини қоплаш учун ишлатиладиган юпқа тахта, пластинка.

Маркам стул суриб ўтирар экан бир четига сиёҳ тўкилган, сирти фанер стол кўзига одатдагидан бошқачароқ кўриниб кетди. — П. Қодиров, Уч илдиз

от айн. Фанер.

сфт. кт. Фанга, илмий асосларга таянган; илмий.

У ўзининг қалтис таваккал билан қўл урган хатарли фанний тажрибаларидан мамнун бўлур эди. — А. Мухтор, Чинор

от 1. Ўзининг ўта диндорлиги, бошқа динлар, эътиқодларга тоқат қила олмаслиги билан ажралиб турувчи киши; ўтакетган мутаассиб.

2. Бирор ғоя, иш ёки машғулотга бутун вужуди билан берилиб муккасидан кетган, ўта ишқибоз одам.

Афанди доктор паришонхотир бўлгани билан ўз касбига пухта, медицинага фанатик ошиқ эди. — Газетадан

3. сфт. Фанатизмга оид, ўтакетган мутаассиблик руҳи билан суғорилган.

Фанатик одам. Фанатик ҳаракат.