«falokatsiz» boʻyicha 7 ta natija
sft. Xavf-xatarsiz; beshikast; biror kor-hol yuz bermay, baxtsizlikka uchramay.
— Ayt xoʻjayiningga, nozik yukni falokatsiz eltib qoʻydim, pulni moʻlroq choʻzsin, — dedi [Qora Ahmad]. — Oybek, Tanlangan asarlar
ot 1. Odamlar ixtiyoridan tashqari, kutilmaganda yuz beradigan koʻngilsiz voqea, hodisa; baxtsizlik; ofat.
Farosatsiz — falokatga yoʻliqar. — Maqol
Kumushbibi uchun bu hol kutilmagan bir baxtsizlik, kutilmagan bir falokat edi. — A. Qodiriy, Oʻtgan kunlar
Tohir yomon bir falokatni oldindan sezganday, yuragi uvushdi. — P. Qodirov, Bobur
2. soʻk. Yaramas; badbaxt.
[Boy:] Gʻofirni koʻrdingmi? [Xolmat:] Boya shu oʻrtada oʻralashib yuruvdi, falokat! Bir zumda yoʻqolib qolibdi. — Hamza, Boy ila xizmatchi
Nemis falokat lotinchani ham, oʻzbekchani ham bilar ekan. — Oybek, Quyosh qoraymas
sft. Xavfli, mudhish, baxtsizlik keltiruvchi; xavf-xatarli.
[Otabek] Oʻzining ochiq koʻzi, oʻtkir zehni orqali bunday oʻzboshimchalik orqasidan mudhish falokatli manzaralar koʻrar edi. — A. Qodiriy, Oʻtgan kunlar
Bu falokatli ishni Yoʻldosh boshladi. — Gʻ. Gʻulom, Shum bola
ot Falokatga duchor boʻlgan, falokat azobini chekkan.
[Muhammad Pahlavon] Hozir tong uyqusi elitgan falokatzada doʻstining sargʻaygan yuziga qarab, uning uygʻonishini kutib oʻtirar edi. — M. Osim, Sehrli soʻz
xatarli yoki ifloslantiruvchi moddalar tashlanishiga olib kelgan kutilmagan hodisalar roʻy bergan, korxonalarda ish toʻxtab qolgan yoki yuklarni ortib-tushirishda falokat yuz bergan joy.
atrof-muhitga boʻlgan umumiy taʼsirning tasodifan vujudga keladigan qismi; F.t. bir marotabali, qisqa vaqt ichida va katta hajmda roʻy berish xususiyatiga ega hodisa.
