«ezma» boʻyicha 76 ta natija: Izohli
sft. Gapdan ogʻzi tinmaydigan, koʻp gapiradigan; sergap.
Ezma chol. Ezma boʻlmoq.
Koʻpchilik aytgandek, kishi qarisa, Ezma, nasihatgoʻy boʻlib qolarkan. — Gʻ. Gʻulom
Ogʻzi charchamaydigan ezma odam kerak buncha gapirishga. — E. Aʼzamov, Shaytonchalar koʻchasi
fl. 1. Bosib, siqib va boshqalar yoʻl bilan yumshatmoq, pachaqlamoq, yanchmoq va h.k.
Oyogʻi bilan sigaretani ezmoq. Anorni ezmoq.
Yonida chumoli uyasini koʻrib, oyogʻi bilan ezdi. — A. Muxtor, Opa-singillar
Chol boshqa choy chaqirib, belbogʻining qatidan quruq choy olib, kaftida ezdi-da, piyolaga solib qaytardi. — S. Ahmad, Hukm
Ertalab Shoqosim bir oʻsimlikning qovjiroq gulini keltirib, qaynoq suvda ezib, qizga ichirishni buyurgan edi. — Oybek, Tanlangan asarlar
2. Kishi aʼzosi yoki uning biror joyini qattiq bosim, siquvga olmoq.
Ogʻir yuk yelkasini ezyapti.
Oyogʻini qizdirib ezgan etigini yecholmay oʻtirgan Shirmonxon Maqsuda kelgandan keyin oʻrnidan turdi. — S. Zunnunova, Olov
Manglayni ezib yubordi bu choʻyan qalpoq. — Oybek, Quyosh qoraymas
3. Ogʻir, qiyin ahvolga solmoq, shunday ahvolda saqlamoq.
Uzoq va mashaqqatli yoʻl ularni juda ezib tashlagan edi.
Xalqlarni qul qilib ezib kelgan podsho hukumati agʻdarildi. — T. Bekmurodov, Unutilmas voqealar
Kirib maydonda javlon urdi erlar, Ezib dushmanni hayqirmoqda sherlar. — Habibiy
4. Ruhan qiynoqqa solmoq; qiynamoq.
Rahimjon aka, boʻldi, oʻzingizni ezmang. — Oʻ. Umarbekov, Yoz yomgʻiri
Oraga ogʻir, ezib yuboruvchi jimlik choʻkdi. — K. Yashin, Hamza
U bilan talashib-tortishib oʻtirib, yolgʻizligini ham unutgan ekan. Endi tanholik eza boshladi. — S. Siyoyev, Otliq ayol
5. Qoyilmaqom qilib, juda taʼsirli tarzda ijro qilmoq (asosan kuy, qoʻshiq haqida).
Shodmon hoji oldin dutorda mayin ezib, Tuya boʻzlov mashqini chalib, keyin tanburni oldi. — S. Abdulla, Quvgʻunda
Bobosi uni quvontiradigan gap topganidan xursand, ezib hikoya qila ketdi. — A. Muxtor, Boʻronlarda bordek halovat
ot 1. Ezmaga xos xislat, ezma ekanlik
Mamarasul aka, suratkash ham ezmaligingizdan xabardorga oʻxshab qoldi deyman-a? — Uygʻun, Saylanma
2. Ortiqcha va unchalik kerak boʻlmagan tafsilotlarga, mayda-chuydalarga berilish.
U toʻylardan, azalardan esiga mahkam joylab kelgan mish-mish larni har vaqt ezmalik bilan soʻylar edi. — Oybek, Tanlangan asarlar
fl. 1. Ezmalik qilmoq, gapni choʻzmoq.
Bir necha farsaxdan keyin quduq kelishini oldindan aytar, quduqni ezmalanib tasvirlar, hammasi toʻgʻri chiqardi. — Mirmuhsin, Meʼmor
Ortiq ezmalanib oʻltirishga Ehsonning fursati yoʻq edi. — A. Qahhor, Sarob
2. s. t. Juda sekin, imillab ish qilmoq; ivirsimoq, ivirsiramoq, imillamoq.
Ezmalanmay, tez kiyinsang-chi!
sft. s. t. Ortiq darajada ezma.
Nima qilib bu ezma-churukni sudrab yuribsiz, beti qursin. — S. Ahmad, Soʻnggi nusxa
fl. Ezilib (ezmalik bilan) gaplashmoq, suhbatlashmoq.
Oʻz qoʻli bilan Qurbonaliga ovqat olib chiqdi. U bilan oʻtgan-ketganlardan ezmalashdi. — Shuhrat, Jannat qidirganlar
lattachaynar Sergap odam, ezma, vaysaqi.
sudralma Besoʻnaqay, ezma, kamharakat, ogʻir.
sergaplik Sergap, ezma xususiyatga egalik. Mansuriyning tuturiqsizligida, ser-gapligida va maqtanchoqligida uning xarakteri yaxshi gavdalantirilgan. OʻTA
valdirvoqi s. t. Boʻlar-boʻlmas gaplarni koʻp gapiradigan, valdirayveradigan; ezma. Nafisaxon nazarida qizi yengiltak emas Baʼzi qizlardek valdirvoqi emas. Mirmuhsin, Umi
biljing-biljing Koʻp gapirmoq, ezmalik qilmoq, oʻrinsiz gapni koʻpaytirmoq. Bir bedavo, ezma, chakagiga suyangan ekan, Zuhraning uyidagi ahvoli, mashgʻulotini surishtirib
chakakli Seryigʻi, yigʻloqi. Chakakli bola. Sergap, ezma. Chakakli xotin. koʻchma Yebtoʻymas, ochofat. — Voy-boʻy, — dedi chol [Shum bolaga], — chakakligina mol koʻrinasa
Uch opa-singil otalarining zolimligidan qochib, har biri oʻz yoʻliga ravona boʻladi. Kenja qiz Iqbol ayiq bilan turmush qurib, Ayiqpolvon ismli oʻgʻil koʻradi.
Bir choʻpon yigit sehrli nay yordamida xasis boyning dardiga davo topadi. Bu voqea boyning hayotini oʻzgartirib, unga baxt keltiradi.
Kambagʻal baliqchi cholning oʻgʻli vazirning hiylalari tufayli podshohning qiyin topshiriqlarini bajarishga majbur boʻladi. Uning sarguzashtlari davomida kutilm
Qoʻqon podshosining qimmatbaho piyolasi sinib qoladi va uni tuzatishga hech kim qodir boʻlmaydi. Faqatgina bir kal shogird oʻzining aql-zakovati bilan bu muammo
Qambarjon tushida koʻrgan Orzijon ismli malikaga oshiq boʻlib, uni topish uchun uzoq yoʻlga otlanadi. Uning sarguzashtlari davomida turli qiyinchiliklar va sino
Qilich botirning sarguzashtlari, uning Oqbilak oyimni qoʻlga kiritishi va makkor kampirning hiylasi sababli yuzaga kelgan qiyinchiliklar haqida hikoya qilinadi.
sergap, ezma; vaysaqi
sergap, ezib-elab gapiruvchi
