Поиск

ot Etikaga oid; etika talablariga mos keladigan, axloq meʼyorlariga javob beradigan; axloqiy, maʼnaviy.

Etik taʼlimot. Axloqning etik meʼyorlari.

ot 1. Axloq va uning shaxs hamda jamiyat hayotidagi oʻrnini, axloqning shakllanish shart-sharoitlarini va shakllarini oʻrganuvchi falsafiy taʼlimot.

2. Biror sinf, ijtimoiy guruh yoki biror kasb egalariga xos odob-axloq, uning meʼyorlari va qoidalari majmui.

Tasavvuf etikasi. Kasb etikasi.

ot Biror jamiyatda, ijtimoiy guruh va shu kabilarda qabul qilingan oʻzaro muomala, odob-axloq; marosim tartibi, qoidalari.

Saroy ahliga xos etiket. Diplomatik etiket.

ot

Boy tikuvchini soʻkib, qoliplangan bir toqa etikni uning boshiga chogʻlab otdi. Etikchi boshini xam qilib, bu hamlani rad qildi. — S. Ayniy, Qullar

ot ayn. Yorliq 2.

Rais engashib, buloqdan etiketkasi yoʻq shishani oldi. — E. Usmonov, Yolqin

sft. 1. Jismoniy, ruhiy jihatdan zaiflashmagan; bardam.

Onam yetmishdan oshib qolgan boʻlsalar ham, hali ancha tetiklar — M. Qoriyev, Oydin kechalar

Ibrohim ota bardammi, Oysha xola tetikmi, ukang Sherniyoz sogʻmi? — J. Sharipov, Xorazm

Ogʻaynilar tushkunlikka tushmadilar. Quvnoq va tetik kayfiyatda xayrlashdilar. — F. Musajonov, Himmat

2. Harakat-holati, darajasi va shu kabilar jihatdan bardam, tiyrak.

Temirjon odamlar qatori koʻpaygan trotuarda ildam va tetik qadam otib borardi. — J. Abdullaxonov, Oriyat

Aziza oʻzini bir oz oldirgan, ammo hamon oʻshanday chiroyli, koʻzlari kirtayib qolgan boʻlsa ham, tetik boqar edi. — Oʻ. Hoshimov, Qalbingga quloq sol

Soylik tomondan kelayotgan tetik va yangroq ovoz Elmurodning oʻyini buzdi. — Shuhrat, Shinelli yillar

3. koʻchma Hayiqishni bilmaydigan, dadil gapiradigan, oʻz fikrini baralla ayta oladigan.

Qandolat opaga ne balo boʻldi, deyman, hayron boʻlaman. Gapga chaqqon, tetik xotin edi-ku! — Oydin, Sadagʻang boʻlay, komandir

Pochchayev, qurilishga biron fikri tetikroq bola kelib qolsa, darrov iziga tushadi. — A. Muxtor, Tugʻilish