Қидирув

фл. 1. Ҳаво оқими тарзида юрмоқ, урмоқ, ўтмоқ (шамол ҳақида).

Тоғ томондан қор изғирини эсмоқда. — П. Турсун, Ўқитувчи

Енгилгина эсган шамол димоққа турли ўт-ўлан исларини келтириб урар эди. — А. Қодирий, Ўтган кунлар

2. кўчма Юзага келмоқ, юз бермоқ, пайдо бўлмоқ.

Эшик очилиб, Жўра кўрингач, Каримовда кичкинагина қўрқинч ҳолати эсди. — Ҳ. Шамс, Душман

1. Одамнинг билиш, фикр юритиш қобилияти; ақл, онг, мия

Эси паст. Эси бутун. Эсинг борми (жойидами, ўзингдами)? Эсинг борида эл тани, Кучинг борида ер тони — Мақол

2. Ёдда сақлаш, қайта тиклаш қобилияти; ёд, хотира

Эсида бор. Эсимда ёʻқ. Эсида қолмади. Эсдан чиқармоқ. Эсда тутмоқ (сақламоқ)

1. Боғлама вазифасини бажаради; бўлса.

бурни бир оз беўхшовроқ эса-да, лекин унинг умуман юз бичими келишган эди. — Ойбек, Танланган асарлар

2. Шахс, нарса, ҳодисалар кетма-кетлигида ўзи бирикиб келган сўз билдирган шахс, нарса ёки ҳодисани бошқаларига нисбатлаб, ажратиб қайд этади.

Мен эса уни овунтиришга, юпатишга уринардим. — Гулдаста

Қирқинчи йиллардан кейин эса умуман геологлар бормаган. — С. Кароматов, Олтин қум

Мисрда рўй берган мана бу воқеа эса ҳаммасидан ошиб тушади. — Фан ва турмуш

Ундан нарида эса устод Мирсалимов чала бўғизланган қўйдек пихиллаб хуррак отарди. — Гулдаста

3. шв. Ундай бўлса, у ҳолда.

Эса, Оққиз, бориб сен ҳам кўриб кел-чи. — Равшан

Чойхоначи юзига фотиҳа тортиб насиҳат қилди: — Эса, бундайин ўтирма — С. Сиёев, Ёруғлик

escape characterрусчасимвол смены регистраўзбекчарегистрни алмаштириш белгиси

Electrostatic Dischargeрусчаэлектростатический разрядўзбекчаэлектростатик разряд

extended superframeрусчарасширенный суперфреймўзбекчакенгайтирилган суперфрейм