Qidiruv

fl. 1. Ishlatilib, tutilib eski boʻlmoq, toʻzimoq yoki yaroqsiz holga kelmoq.

Eskirgan toʻn. Eskirgan mashina,

Temirchining ikki xonadan iborat uyi eskirib ketgan va pastqam edi. — Sh. Rashidov, Qudratli toʻlqin

Shipi sharqcha naqshdor uy, naqshlar eskirib, rangi xiralashgan. — Oybek, Tanlangan asarlar

2. Davr talablariga mos kelmaydigan boʻlib qolmoq; isteʼmoldan chiqmoq, urfdan, modadan qolmoq.

Eskirgan darslik. Eskirgan soʻz.

Choʻlning, yillar oʻtsa ham, eskirmagan tartib-qoidalari bor choʻpon xalqi unga boʻysunadi. — Gazetadan

3. Yashash, faoliyat muddati uzaymoq.

Oila eskirgan sari er-xotin oltin va gavharga aylanib boradi. — Gazetadan

fl. Eskirmoq feʼlining orttirma nisbati.

ot Badiiy asar, inshoot, mexanizmning yoki uning biror qismining dastlabki, xomaki, qoralama nusxasi, chizmasi yoki rejasi.

Portretning eskizi. Eskiz chizmoq.

Bloknotlarning birida Akromjonning qalam bilan chizgan eskizlari, etyudlari bor edi. — I. Rahim, Tinimsiz shahar

Kompozitsiyaning bir necha variantlari eskizlarini yaratdim. — Gazetadan

ot Shokolad qobiqqa oʻralgan muzqaymoq.

Tarelkadagi eskimo sekin-sekin kamaya bordi. — N. Nazarov, Zamon

sft. 1. Yaxshi kesadigan, tigʻi oʻtkir.

Sargʻish suyak sopli keskir pichoq uning koʻz oʻngidan oʻtdi. — S. Anorboyev, Oqsoy

Ostingda yuz alvon oʻynaydi oting, Belingda yarqirar keskir poʻlating. — Alpomish

2. koʻchma. Shu belgiga nisbatni bildiradi; oʻtkir.

Oʻtkir koʻzi mushtumzoʻrning bagʻrin sancharday, Keskir soʻzi sinfiy koʻrning qalbin yancharday. — Mirtemir

Yigitlarning qarashi keskir, Qaytaradi qilich damin ham. — M. Ali, Gumbazdagi nur

sft. 1. Eski, ilgarigi vaqtga mansub boʻlgan, ilgarigi odat, rasm, tartib va shu kabilarga mos keladigan; qadimgicha.

Eskicha toʻy. Eskicha usul. Eskicha gap. Eskicha kiyinmoq. Eskicha ishlamoq.

Bu gapingiz notoʻgʻri, qori, sizning ilmingiz eskicha ilm. — A. Qahhor, Qoʻshchinor chiroqlari

2. kam qoʻll. Avvalgidek.

U onasining bu kinoyasini kulgilik bilan kechirib, yana eskicha arazda qola beradir. — A. Qodiriy, Oʻtgan kunlar

yuqoriga chiqishga qistasa ham, kavushini yechmay, eskicha oʻtira berdi. — A. Qodiriy, Oʻtgan kunlar