По запросу «ertalik» — результатов: 18
ot 1. Erta bilan oʻtkaziladigan yigʻilish (koʻpincha bolalar uchun).
Navoiyga bagʻishlangan ertalik. Bayram sharafiga bogʻchada ertalik oʻtkazmoq.
2. Ertagi kunga oid; ertaga boʻladigan.
Kunlik ishga yakun yasalib, ertalik vazifalar belgilab olindi. — Gazetadan
sft. 1. Belgili, odatdagi, meʼyoriy vaqtdan ancha yoki birmuncha oldin, barvaqt, vaqtli.
Erta turmoq. Erta borib, kech qaytmoq. Erta qarigan kishi. Bu yil qish erta keldi. Ekinni erta ekkan hosilini erta oʻrar. — Maqol
Harakating erta boʻlsa, kuzda erta oʻrarsan. — Maqol
Raʼno suv salqinida bugun ham erta uxlab qoldi. — I. Rahim, Ixlos
2. Vaqt, fasl bildiruvchi baʼzi soʻzlar bilan birikib, shu vaqt, faslning eng (endigina) boshlanish vaqtini bildiradi.
Erta tongdanoq ishga yoʻl olarkan qalbida ajib hislar mavj ura boshladi. — Gazetadan
Ikromjon, erta bahor Naymanga koʻchib chiqayotganlarida, Azizxonga yozilgan xatga qoʻl qoʻydi. — S. Ahmad, Ufq
Erta nahor chogʻida, dengizning yoqimli orombaxsh mayin shamoli esib turganda Kaspiy ajib jilvagar koʻrinardi. — N. Safarov, Olovli izlar
3. kesim vzf. Biror ish-harakatni bajarish, amalga oshirishga hali vaqt borligini, vaqti kelmaganligini bildiradi.
Uyga borishni istamadi, lekin gapga borishga hali vaqt erta edi. — Oybek, Tanlangan asarlar
Hali yotmoqqa vaqt erta edi. — A. Qodiriy, Oʻtgan kunlar
4. ot Tundan kunga oʻtish vaqti, tongdan soʻnggi payt; ertalab.
Nosvoy yoʻq, ertadan beri xumoriman. — Oybek, Tanlangan asarlar
Nima qilibdi yuragimga? Menga oʻxshab ertadan kechgacha uyda oʻtiring-chi. — A. Qahhor, Asror bobo
5. ot Kelasi kun, soʻz borayotgan kundan keyingi kun.
Bu voqeaning ertasi. Esarning ertasi koʻp. — Maqol
Bugun boʻlmasa, erta. Bugunmi, ertami, oʻqishni boshlaymiz.
Sizlar chiqinglar ish boʻlmasa, yotinglar, erta vaqtliroq turib, yovonga goʻng tashiysizlar. — S. Ayniy, Qullar
Direktorimiz erta bor, indin bor, deb ishni choʻzib yubordilar. — Mushtum
русский- конкретные процедуры воспитательной работы (утренники, собрания, занятия).английский- Specific procedures for educational work (matinees, meetings, classes).
ot 1. Xalq ogʻzaki poetik ijodining asosiy janrlaridan biri; toʻqima va uydirmaga asoslangan, sehrli-sarguzasht va maishiy mazmundagi epik badiiy asar; choʻpchak.
Ertak aytmoq.
Bir ariqda sut, ikkinchi ariqda sharbat — ertaklarda boʻladi! — S. Anorboyev, Oqsoy
Ilmiy fantastik asarlar bilan adabiy ertaklar oʻzaro yaqin aloqadadir. — Fan va turmush
2. Hikoya, qissa, voqea.
Unsin hamma voqeani — akasi bilan Gulnorning sevgi ertagini kampirdan toʻla eshitdi. — Oybek, Tanlangan asarlar
Yolgʻiz Tiktepa qishlogʻidagina emas, tevarak qishloqlarda ham mulla Obidning ertagi, ekindagi muvaffaqiyati ogʻizdan ogʻizga yurib ketdi. — A. Qodiriy, Obid ketmon
ot 1. shv. Ertalab.
Oqshom palov, ertan choy. — Ravshan
2. Ertaga.
Shohim, bu mardudning tilini kesmasangiz, ertan sizga atab hajv bitmoqdan toymas. — S. Siyoyev, Yorugʻlik
Soʻz borayotgan kundan keyingi kuni.
Ertaga boramiz. Bugungi ishni ertaga qoʻyma. — Maqol
Ertaga ertalab bizni mashina kelib olib ketishini tushuntirdim. — S. Karomatov, Oltin qum
