Поиск

fl. Erinmoq feʼlining birgalik nisbati.

fl. Hafsalasizlik qilmoq, hafsalasi kelmaslik, mayli boʻlmaslik.

Gʻanijon qaytib kelgani erindi-yu, keta berdi. — A. Qahhor, Asarlar

Kuniga sovun ishlatishga erinadigan odam bugun uzoq sovunlab yuvindi. — H. Nazir, Yonar daryo

Yigitning harakatlari qovushimsiz, kabobni erinibgina kitob muqovasi bilan yelpiydi. — E. Usmonov, Yolqin

ot Erinish xususiyatiga ega, ishga erinadigan, kuchsiz; hafsalasiz.

Erinchak bola. Erinchak ikki ishlar, oxiri barmogʻin tishlar. — Maqol

Erinchakning ishi bitmas — Maqol

sft. ayn. Dangasa.

fl. Erinmoq feʼlining orttirma nisbati.

ot Erinish xislatiga egalik, erinchak boʻlish; erinish, eringan holat.

Horgʻinlik va olov shu vaqtda unda erinchaklikni kuchaytirgan edi. — Oybek, Quyosh qoraymas

Suvonjon uyqu arimagan koʻzlarini ishqab, erinchaklik bilan eshikka qarab yurdi. — S. Anorboyev, Oqsoy