Поиск

fl. 1. Belni bukib, tananing yuqori qismini quyi solmoq; egilmoq.

Gʻulomjon chiroyli qaddini bukib, onasi ustiga engashdi. — M. Ismoiliy, Fargʻona tong otguncha.

Engashib, palaklarni titib qarasang, tugunak, sapcha, xomaklar qiygʻos — N. Fozilov, Diydor

2. Ogʻmoq, qiyshaymoq.

Minora engashib qolibdi.

Arava minib kelgan Tojiboy ot ustida, devordan engashib tushgan gilos shoxini qayirib turganida, Lutfixon chiqib qoldi. — S. Ahmad, Muhabbat

fl. Engashmoq feʼlining orttirma nisbati.

1. Biror ish, harakat yuzasidan fikr-mulohaza, yoʻl-yoʻriq; maslahat

Kishining boshiga bir ish tushganda, darrov birovdan kengash va yordam soʻraydir — A. Qodiriy, Oʻtgan kunlar

Bolalarning kengashi bilan ikki boʻzni koʻtarib, shom paytida mirzoning uyiga bordim — A. Qodiriy, Mehrobdan chayon

2. Oʻzaro, birgalikdagi muhokama; shunday muhokama majlisi; yigʻilish

Ishlab chiqarish kengashi. yat Toʻmaris jang koʻrgan dono chollar, ayollarni chaqirib, kengash oʻtkaz- — M. Osim, Karvon yoʻllarida

Ana shu Boyguzardagi bir boyning uyida maxfiy guruhning kengashi boʻldi — S. Siyoyev, Avaz

3. Biror korxona, muassasa, jamiyatning farmoyish yoki maslahat beruvchi organi

Oqsoqollar kengashi. Oʻzaro Iqtisodiy Yordam Kengashi. Birlashgan Millatlar Tashkiloti Xavfsizlik Kengashi

pravleniye Oʻrmonjonni hosilot kengashining raisi qilib tayinladi — A. Qahhor, Qoʻshchinor chiroqlari

rvsh. Maslahatsiz qilingan; kengashsiz.

Bekengash ishning pushaymoni koʻp. — Maqol

Qoʻyaver, oshna, bekengash ishning pushaymoni koʻp, deydilar. — J. Abdullaxonov, Xonadon

sft. s. t. Kengash bilan boʻlgan, kengash bilan qilingan.

Kengashli toʻy tarqamas. — Maqol

ot Maslahat beruvchi, maslahatchi.

Qushbegi Otabekning bu gaplaridan yaxshigina taraddudga tushgan edi, ammo Azizbekning otaligʻi va kengashchisi boʻlgan Yusufbek hojining oʻgʻli boʻlishi uning miyasini qotirgan edi. — A. Qodiriy, Oʻtgan kunlar