Qidiruv

fl. 1. Elamoq 1 feʼlining majhul va oʻzlik nisbatlari.

Elangan un.

Zamon tebrangan sayin u mislsiz zoʻr gʻalvirda elanayotgan bugʻdoyning jiriday chetga chiqadi. — A. Qahhor, Sarob

2. shv. Yalinmoq yolvormoq, iltijo qilmoq.

Poʻlat otaday nuroniy keksalarning elanishlari nahot sizning dilingizni yumshatolmasa. — K. Yashin, Hamza

Uyiga militsioner yuborib yuragini poʻkillatib qoʻyardim Oʻzi oyogʻini qoʻliga olib yugurib kelardi elanib! — S. Nurov, Narvon

fl. 1. Elakdan oʻtkazmoq, elakdan oʻtkazib tozalamoq.

Bostirmada Ziyodaxon supra yozib, un elab oʻtirar edi. — A. Qahhor, Qoʻshchinor chiroqlari

Toʻy arafasida kuni bilan qor yogʻdi, shunday elab yogʻdiki, koʻzlarni ochirmay qoʻydi. — M. Ismoiliy, Fargʻona tong otguncha.

2. (faqat boʻlishsiz shaklda — elamaslik) Eʼtibor (ahamiyat) bermaslik, nazar-pisand qilmaslik.

Zebixon oʻziga munosib yigit izlardi. Oyogʻi tagida oʻralashayotganlarni pisand qilmas, yoʻlini toʻsib, yigʻlab, dardini aytadiganlarni elamas edi. S. — Ahmad, Ufq

Xola qoʻshnisining gapini sirtdan elamagan boʻlsa ham, ammo ichidan zil ketdi. — L. Mahmudov, Vafo

3. kam qoʻll. ayn. Tebratmoq.

Zubayda boshini elab, yoʻq ishorasini bildirdi. — K. Yashin, Hamza

ot Un elash uchun ishlatiladigan, toʻr qoplangan yogʻoch gardishdan iborat uy-roʻzgʻor asbobi.

Sim elak. Qalin elak. Elakka kirgan xotinning ellik ogʻiz gapi bor. — Maqol

Ziyodaxon elakdagi kepakni ogʻzi tor xaltachaga ehtiyot bilan soldi. — A. Qahhor, Qoʻshchinor chiroqlari

shv. Sal-pal, sezilarsiz darajada.

Dadaqoʻzining ayanchli tovushi qulogʻiga elas chalindi. — A. Muxtor, Boʻronlarda bordek halovat

Checha koridorda turib, baland karavotda yotgan erini elas tanidi. — Yoshlik