Қидирув

сфт. 1. Тўғри чизиқ бўйлаб ёʻналмаган; қийшиқ, қинғир.

Эгри чизиқ. Эгри қилич. Эгри кўчадан юрсанг ҳам, тўғри юр. — Мақол

Азим толларнинг эгри шохларидаги шокила-шокила попуклар ёʻловчиларни салқинга чақира бошлади. — Ҳ. Ғулом, Машъал

2. Ҳақиқатга зид; нотўғри. -

Қийиқ иш қирқ йилдан кейин ҳам маълум бўлади, эгрисини қўйиб, тўғрисини гапираверинг, — деди Дўстмуродов. — Муштум

Энди тўғри танқиддан эгри хулоса чиқариш одатингизни ташланг. — Ойбек, О.в. шабадалар.

Дўстим, ҳаётга чуқурроқ қарасангиз, тўғри билан эгрини айира биласиз — Ойбек, Нур қидириб

3. Хатти-ҳаракат, гап-сўз ва шу кабилар жиҳатдан ахлоқ-одоб, қонун-қоида меъёрий талабларига зид бўлган, шундай иш тутадиган; номақбул, ножўя, чакки.

Бирорта одам савдо соҳасида ишласа, дарров мияларига эгри фикр келади. — Ф. Мусажонов, Ҳиммат

Эгри одам соясидан ҳам хавотирланаверар экан. — Муштум

Ўзи тўғри бўлмаган одам бошқаларга ҳам эгри кўз билан қарайди. — Газетадан

от 1. Эгри ҳолат, эгри эканлик.

Деворнинг эгрилиги. Ёʻлнинг эгрилиги.

2. (қ. Эгри, ножўя иш, хатти-ҳаракат эгри 3).

Мен домлаликда, эшонликда юравериб, хийла қўли эгриликка ўрганиб қолганман. — Ғ. Ғулом, Шум бола

сфт. Эгилган, букилган; қин-ғир-қийшиқ.

эгри-бугри ариқларни кетмон билан текислай бошладилар. — П. Турсун, Ўқитувчи

Эгри-бугри шохлари бутун ҳовлини тутган катта нашвати дарахти тагида бир тўда болалар ўтиришибди. — Ф. Насриддинов, Артист ва режиссёр

Ҳали кўмилган токлар эгри-бугри қизғиш танасини яширолмай, иймангандай осилиб ётарди. — Ў. Ҳошимов, Қалбингга қулоқ сол