Поиск

ot 1. Toʻlgʻoqdagi ayollarni tugʻdiruvchi xotin; enaga, akusherka.

Munavvar Yoʻldoshga ogʻirligini ortmaslik uchun oʻziga ish ham topdi: tugʻruqxonaga doya boʻlib kirdi. — S. Anorboyev, Mehr

Doya kelguncha Toʻlgʻonoyning homilasi nobud boʻldi. — S. Siyoyev, Avaz

Doya kelgandan soʻng ichkari hovli erkak zotidan tozalandi. — A. Qodiriy, Oʻtgan kunlar

2. Goʻdaklarni tarbiyalovchi ayol.

Haram darvozasida yuruvchilar xonning yolgʻiz oʻgʻli — shahzodaga qarovchi kanizlar, doya xotinlar edi. — A. Qodiriy, Mehrobdan chayon

3. koʻchma Sabab, bois, asos; paydo, bunyod qiluvchi.

Moʻʼjizalar doyasi. Moʻl hosil doyasi. Koʻngilsizliklar doyasi. Baxt doyasi.

Sevgi yoʻq yerda loqaydlik bilan qarash ildiz otar ekan. Bu esa koʻngilsizliklarning doyasi. — S. Karomatov, Hijron

Qoʻydi menga baxt doyasi Sobir laqabimni. — S. Abdulla, Tanlangan asarlar

Yoqishi soʻz moʻʼjizalar doyasi boʻlsa, yomon soʻz — umr zavoli. — Gazetadan

ot Yosh doya, yosh enaga.

Choydan keyin doyacha Kumush yonidan bir oz vaqtga chiqib turdi. — A. Qodiriy, Oʻtgan kunlar

Doyacha kim, aqiqaga nechta qoʻy kerak, nechanchi kunda toʻy oʻtkaziladir? — A. Qodiriy, Oʻtgan kunlar

ot ayn. Doya 1.

ot Doyachi, doya hunari, kasbi; doya vazifasini bajarish.

Doyalik qilmoq.

Eʼtibor opa doyalik qilganda, Tozagul uning yonida koʻmaklashib turdi. — H. Gʻulom, Mashʼal

ot ayn. Doyalik.

Doyachilik qilmoq.

ot 1. Foydali yoʻnalish, toʻgʻri yoʻl boshlash.

Hidoyat qilmoq.

Podani zalolatdan qutqazib, hidoyatga boshlamogʻi lozim! — A. Qodiriy, Obid ketmon

2. din. Xudo tomonidan belgilangan toʻgʻri yoʻl; haqiqiy eʼtiqod yoʻlidan yurish; zid. zalolat.

3. Hidoyat (erkaklar va xotin-qizlar ismi).