Поиск

ot 1. Sanoq sonlardan keyin kelib, miqdor bildiradi.

Bir dona gugurt choʻpi. Besh dona tuxum. Bir dona koʻsak.

Raʼno onasining soʻzi bilan qutidan besh-olti dona non olib, dadasining qoʻliga berdi. — A. Qodiriy, Mehrobdan chayon

2. Don, urugʻ.

Anor donasi. Makkajoʻxori donalari. Qoramugʻ donasi boʻlguncha, bugʻdoyning somoni boʻl. — Maqol

Bolamning bolasi, qandak oʻrikning donasi. — Maqol

Anor donalaridek shirin soʻzlaring. — U. Ismoilov, Saylanma

3. Sochiluvchan narsalarning har bir yumaloq boʻlagi, zarrasi.

Qum donalari. Munchoqdek ter donalari. Marvarid donalari.

Suluv sochlari toʻzgʻigan holatda yugurib kirib, yomgʻir donalari yumalab turgan yuzini otasining mayin yelkasiga bosdi. — A. Muxtor, Qoraqalpoq qissasi

Nos sochilib, uning bir necha donasi sakrab-sakrab, stol tagiga kirib ketdi. — A. Qahhor, Qoʻshchinor chiroqlari

4. Zarralar, boʻlaklar, qismlardan tuzilgan narsaning har bir zarrasi, qismi.

Har qanday materiya alohida donalar yigʻindisidan tuziladi. — Qiziqarli geometriya

5. Shaxmat, shashka va shu kabilar oʻyinlarda har bir sipoh, piyoda yoki toʻgarakcha.

Baʼzan raqibning ikki donasiga birdaniga hujum qilinadi. — Fan va turmush

Biri gazeta oʻqisa, biri kitob varaqlar, biri shashka oʻynasa, biri shaxmat donasini surar edi. — J. Sharipov, Xorazm

6. Choʻtning tugmasimon qismi.

Choʻt donalari shaqir-shuqur boʻlib qoldi. — Mushtum

sft. 1. Maʼlum, belgili donalardan iborat boʻlgan.

Ellik ikki donali karta.

2. ayn. Donador.

Mayda donali choʻyan (tex.).

3. Donalab sotiladigan.

Donali mollar.

Donalab baylashiladigan yoki donalab beriladigan (oldi-sotdi muomalalarida yoki ish haqi belgilashda).

Ulgurji olib, donabay sotmoq. Donabay haq toʻlamoq. Kunbay ishlashdan donabayga koʻchish natijasida ish haqi oshdi.

sft. Boʻlak yoki zarralari dona-dona boʻlib turadigan, maʼlum donalardan tarkib topgan.

Donador tuproq.

Yer chuqur haydalgandagina tuprogʻi mayin va donador boʻladi. — Gazetadan

Donador murch koʻpchilikka damlanadigan katta palovga solib pishiriladi. — Gazetadan

1. Zarralar, donalarga ajralib turadigan, har bir donasi alohida-alohida boʻlib turadigan.

Dona-dona tishlar.

Isiriq dona-yu dona, Tutunidan toʻlsin xona. — Boychechak

Oyniholning yona-yona Xollari bor dona-dona. — Yusuf va Ahmad

2. rvsh. vzf. Yakka-yakka, bitta-bitta; donalab.

Gul uzdim dona-dona. — Folklor

U oppoq roʻmolchasi bilan koʻzlaridan dona-dona oqib tushayotgan yoshini artib, titroq ovoz bilan javob berdi. — Sh. Rashidov, Boʻrondan kuchli

3. rvsh. Koʻchma Aniq, ravshan, tushunarli.

Joʻraxon adib savollariga dona-dona qilib javob qaytardi. — Nazarmat, Joʻrlar baland sayraydi

Mutrib yostiq tagidan naycha qilib oʻralgan qogʻoz oldi, chiroyli qiroat bilan dona-dona qilib oʻqishga tushdi. — S. Siyoyev, Yorugʻlik

Yon daftardan yirtib olingan katak chiziqli bir varaq qogʻozga yirik harflar bilan, dona-dona qilib binolarning adresi yozilgan edi. — M. Xayrullayev, Tilla marjon

ot Mol yeydigan bir turli yovvoyi oʻsimlik.

Kuz faslida qoʻylarning ishtahasi ochilib, dona-shoʻr singari donli oʻtlarni juda sevib yeydi. — S. Abduqahhor, Oltin vodiylarni kezganda