Поиск

ot 1. geom. Tekislikning aylana bilan oʻralgan yuzasi; toʻgarak.

Yarim doira. Doiraning yuzi.

Kuchli shamol yuzlab kilometrli ulkan doira boʻylab yeladi — Fan va turmush

Skameykalar doira shaklida qoʻyib chiqildi. — S. Ahmad, Ufq

Keng dalada doira yasab oʻtirgan odamlar orasidagi deyarli hamma yigitlarning koʻzi Badiaga qaratilgan edi. — Mirmuhsin, Meʼmor

Maktabning ochiq darvozasidan koʻkish taksi kirib keldi-yu, yarim doira qilib aylanib toʻxtadi. — Oʻ. Hoshimov, Qalbingga quloq sol

2. koʻchma Belgili bir chegara, aniq bir hudud ichidagi joy.

Shahar doirasida.

Adabiyotda umr boʻyi tutab yurgan yozuvchi hech qachon oʻz mahallasi doirasidan tashqariga chiqmaydi, lekin oʻzini klassik hisoblaydi. — K. Qahhorova, Chorak asr hamnafas

3. koʻchma Biror ish-harakat, qonun-qoida va shu kabilar davom etishi, joriy boʻlishi, tarqalishi ehtimol boʻlgan belgili hudud, joy.

Front doirasidagi shaharlardan koʻchirib keltirilayotgan odamlarni joylashtirishga tayyorgarlik koʻrish lozim edi. — R. Fayziy, Hazrati inson

bola tarbiyasi, uning axloq-odobini faqat oila doirasiga bogʻlab qoʻysak, roʻy bergan hozirgi yangi sharoitga toʻgʻri kelmaydi. — N. Safarov, Olovli izlar

4. koʻchma Chegara, chek, ramka.

Insof doirasi. Fikr doirasi. Taʼsir doirasi.

Kamina adab doirasidan zarracha chiqmagan boʻlsa kerak. — Oybek, Navoiy

Fargʻonadagi kengash Umidning dunyoqarash doirasini ancha kengaytirdi. — Mirmuhsin, Umid

5. koʻchma Belgili bir soha, kasb yoki tabaqa va shu kabilar ahli; kishilar yigʻindisi, uyushmasi.

Yuqori doiralar. Xabardor doiralar. Jurnalistlar doirasi.

Gulandom bunday turmushdan nafrat qilar, bu iflos doiradan, fahsh uyasidan qutulishni istar edi. — Oybek, Tanlangan asarlar

mavlono Behzod chizgan Alisher Navoiy va Husayn Boyqaro tasvirlari rasmiy doiralarda shuhrat topgan edi. — P. Qodirov, Yulduzli tunlar

ot Childirma chaluvchi, childirmachi.

Doirachi raqqosaning yetakchisi boʻlibgina qolmay, balki butun ansamblni boshqarib, usullar yoʻlini koʻrsatib beruvchilardandir. — T. Obidov, Yusufjon qiziq

Xalq sayili va bayramlarida doirachilarning musobaqalari tez-tez uyushtirilib turar, doirachilar esa oʻz oʻyinchilari bilan unga qatnashar edilar. — H. Nosirova, Men oʻzbek qiziman

sft. Doira shaklidagi.

sft. Aylanaga oʻxshash, toʻgaraksimon.

Maʼruf Nazarov vertolyotning doirasimon kichik oynalariga qarab, osmon gumbaziga boqardida, xayol surardi. — X. Yodgorov, Hayot toʻlqinlari

Elektron-nurli trubka ekranidagi nurlanayotgan dogʻ oʻzining harakati davomida aylana chizadigan elektron ossillografdagi razvyortka.

political circles