Қидирув

от Қанчалик тўғрилиги танқидий текшириб кўрилмай, ҳақиқат сифатида кўр-кўрона қабул қилинган қонун-қоида, фикр; ақида.

Баширжон догма сўзининг маъносига тушунмаса-да, ҳар қалай, ёмон ҳақоратли сўз эканига ақли етди. — Н. Аминов, Қаҳқаҳа

от 1. Қотиб қолган, ўзгармас ақидалар тарафдори; ақидапараст.

Догматикларни ва қироатхонларни турмуш улоқтириб ташлаётганлигини кўриб турибмиз. — Газетадан

2. сфт. Қотиб қолган, ўзгармас фикр, мушоҳадаларга, ақидаларга асосланган.

Догматик қарашлар.

Оқибатда фанга нисбатан догматик қарашлар зарбага учрамоқда, консерватизм барҳам топмоқда. — Муштум

от Эскирган, қотиб қолган, бир томонлама назария ва қонун-қоидаларга, ақидаларга асосланган тафаккур; танқидий қарамай, кўр-кўрона фикрлаш; ақидапарастлик.