фл. 1. Қўл, калтак ва шу кабилар билан урмоқ, хумордан чиққунча, роса муштламоқ.
Кеча биров дўппослаб ташлаган кишидек бутун бадани шол-шол. — Шуҳрат, Шинелли йиллар
Баззоз ўғлининг кучук боласидек дўппосланаётганига чидаб туролмади. — М. Исмоилий, Фарғона т.о.
2. кўчма Аёвсиз танқид қилмоқ, бутун кирдикорларини очиб ташламоқ (оғзаки ёки ёзма равишда).
Хўп дўппослаб, танқидчи сўнгра Ижодимга тилайди камол. — Э. Воҳидов, Муҳаббат
Мақолада Шерзоднинг янги китоби роса дўппосланган эди. — Ў. Ҳошимов, Нур борки, соя бор