Толковый словарь узбекского языка
· ещё в 6 словарях
ot Avra-astarli, koʻpincha qavima, pilta urilgan, tepa, kizak va jiyakdan tarkib topadigan guldor yoki gulsiz, toʻgarak yoki toʻrtburchak shakldagi bosh kiyimi
- Baxmal doʻppi
- Gilam doʻppi
- Hoji doʻppi
- Chust doʻppi
- Zar doʻppi
- Tagdoʻzi doʻppi
Bosh omon boʻlsa, doʻppi topilar. — Maqol
[Sidiqjon] Nima deyishini bilmay, boshidan doʻppisini olib, u yoq-bu yogʻiga chertdi, tizzasiga qoʻyib, jiyagini tortdi. — A. Qahhor, Qoʻshchinor chiroqlari
Esiz yigitlik, esiz boshdagi doʻppiyu beldagi qiyiq. — S. Ahmad, Ufq
Yoʻlchi uchun oʻzi tayyorlagan yaxi/i tagdoʻzi doʻppini kiydirdi. — Oybek, Tanlangan asarlar
- Birovning doʻppisini birovga kiygizmoq Oʻzining foydasini koʻzlagan holda boshqalarni aldab, laqillatib yurmoq
- Doʻppini almashtirgandek Juda oson, qiyinchilik tugʻdirmaydigan
- Doʻppini yerga quyib Xotirjamlik bilan, bamaylixotir, diqqatni bir joyga toʻplab
- Doʻppining tagida odam bor “Ehtiyot boʻl“, siringni saqla, laqillab gapiraverma maʼnolaridagi ibora
- Doʻppini osmonga otmoq (yoki irgʻitmoq, tashlamoq) Ortiq darajada quvonmoq, nihoyatda xursand boʻlmoq
- Doʻppisini ol desa, kallasini (yoki boshini) olmoq Biror ishni lozim boʻlganidan ham oʻtkazib, ortiq darajada va qoʻpol qilib bajarmoq
- Doʻppisi yarimta Ishi joyida, gʻam-tashvishi yoʻq, parvoyi falak, begʻam