ot 1. maxs. 1 Transport vositalari harakatini yoki korxonadagi ish jarayonini xabar berish qurilmalari va aloqa vositalari: telefon, radiotelefon, signalizatsiya, faks va televizion uskunalar, kompyuter va shu kabilar orqali bitta markazdan, bir joydan turib nazorat qiluvchi va boshqarib turuvchi xodim.
Temir yoʻl dispetcheri. Dispetcher boʻlib ishlamoq.
Operatorga ham, dispetcherga ham, stansiya navbatchisiga ham tinim yoʻq. — Gazetadan
Shu payt radiodan dispetcherning ovozi yangradi. — J. Abdullaxonov, Xonadon
2. koʻchma Tashkilotchi, uyushtiruvchi, oldinga boshlovchi.
Futbol maydonida jamoa sardori dispetcher rolini oʻynaydi. — Gazetadan