Поиск

ot Ilohiy kuchga, Xudoga ishonishga asoslangan dunyoqarash, tasavvur, urf-odat va marosimlar majmui.

Islom dini. Xristian dini. Budda dini. Dini boshqaning feʼli boshqa. — Maqol

Islom dini kishilarni toʻgʻri yoʻlga boshlaydi. — Oybek, Tanlangan asarlar

— Janobi oliy uchun, din uchun, shariat uchun jonimiz-molimiz fido, — dedi beliga qilich osib, kiftiga beshotar miltiq koʻtargan bir yigit. — S. Ayniy, Qullar

Imoniga, diniga mustahkam pokiza odam bor joyda ajina yuz chaqirim nariga qocharmish. — S. Ahmad, Hukm

ot fiz. Dina.

sft. Dinga oid, dinga aloqador boʻlgan, dinga, ruhoniyatga tegishli.

Diniy aqidalar. Diniy eʼtiqod. Diniy taʼlimot. Diniy adabiyot.

Onam diniy, dunyoviy kitoblarni oʻqigan, savodli, nihoyatda sabrli, odamlarga mehribon ayol boʻlgan. — Shukrullo, Javohirlar sandigʻi

U [Toʻraxon] oʻz eʼtiqodi bilan diniy odam boʻlib, namozini ham kanda qilmasdi, roʻzani ham. — Sh. Rashidov, Qudratli toʻlqin

Elmurod oqsoqol bilan eshon oʻrtasidagi diniy munozaraga aralashishni lozim koʻrmadi. — P. Tursun, Oʻqituvchi

ot 1. Qadimda musulmon mamlakatlarning oltin tangasi. Hozirda Liviya, Tunis, Iroq, Iordaniya, Jazoir, Sudan, Quvayt kabi mamlakatlarda amal qiluvchi pul birligi.

— Menga hozircha ellik ming dinor pul kerak boʻlib qoldi, — dedi eʼtirozga yoʻl qoʻymaydigan ohangda. — M. Osim, Ibn Sino qissasi

2. Tilla, oltin.

Gadoga salom berma, dinor ber. — Maqol

sft. Dinga amal qiluvchi, xudoga, dinga ishonuvchi; xudojoʻy.

Mulla Obid har qancha dindor boʻlsa ham, Xatib domlaning gʻarazsiz bir kishi ekanligiga uncha ishonmaydi. — A. Qodiriy, Obid ketmon

Sulton Ali Mirzo Xoʻja Yahyoga qarshi keskin chora koʻrolmaydi, chunki butun dindorlar Xoʻjaning tomonida. — P. Qodirov, Yulduzli tunlar