Қидирув

сфт. 1. Кўнгли ғаш, кўнгли олинган, юраги сиқилган.

Абдусалом дилгир бўлиб, отасини кутиб ўтирган эди. — С. Сиёев, Аваз

Лекин мезбоннинг дилгир кайфияти уларнинг очилиб-сочилиб ўтиришига монелик қиларди. — Н. Аминов, Қаҳқаҳа

Дилгир дилни шод этиш, ноҳақ йиқилганни суяш, туҳматга учраганни ҳимоя қилиш — марднинг иши. — Газетадан.

2. Юрагини олдириб қўйган, қўрқиб қолган.

Ўша даҳшатли воқеадан кейин у жуда дилгир бўлиб қолган.

от Хафа, ғамгин кишининг кайфияти; кўнгли ғашлик; ғамгинлик.

[Султонмурод] Бугун ҳам эрталабдан бери дилгирликдан ўзини овутиш учун бир неча марта китобларга мурожаат этди. — Ойбек, Навоий

Комил кулимсиради, дилгирлиги бир оз тарқалди. — Ёшлик