fl. Depsimoq feʼlining orttirma nisbati.
Qidiruv
«depsitmoq» boʻyicha 3 ta natija
Lugʻat maqolalari
3 ta
Izohli lugʻat
· yana 3 ta lugʻatda
fl. 1. Sevingan, doʻq urgan, qoʻrqqan, injiqlik yoki betoqatlik qilgan holda yer tepmoq, yer tepib turmoq.
Yer depsib yigʻlamoq.
Jonon birovlarning oldiga borib yer depsir, baʼzilarga koʻzini suzib, qoshini qoqardi. — Gazetadan
Tagidagi ot suvliq chaynab depsiydi. — I. Shamsharov, Toshkin
Katta yoʻl yoqasida depsina-depsina, birpas oʻtkinchi mashina kutishdi. — X. Sultanov, Bir oqshom ertagi
2. Bosib-yanchib tashlamoq, oyogʻosti qilmoq, payhon qilmoq, toptamoq.
Murdalarni ezib, depsib Bu quturgan olomon — O. Xakimov, Dostonlar
Qaysiyam kolxoz yaylovga katta poda haydab oʻtayotganida, chanqoq poda buloqqa yopirilib, uni depsib tashlabdi. — I. Rahim, Chin muhabbat
3. Ot yoki eshakni oyoq bilan niqtab tezlatmoq.
Hasan ovchi tez borib, eshakni yechdi-yu, unga mindi-da, ikki oyoqlab depsib, bu ajal qalʼasidan tezroq ketishga shoshildi. — Sh. Toshmatov, Erk qushi
4. Tepmoq, urmoq (yuragi, qon tomiri haqida).
Hayajondan yuragi depsib ura boshladi. — H. Shayxov, Rene jumbogʻi
Nurmat otaning gaplaridan keyin yuragim yana ham depsib ketdi. — M. Rahmonov, Injenerning qaytishi
Izohli lugʻat
· yana 4 ta lugʻatda
fl. 1. Depsimoq 1, 3, 4 feʼlining oʻzlik nisbati.
U aqldan ozgandek depsinar, yerni mushtlar edi. — Yoshlik
Uyurni bezovta va
sarosimali depsinayotgan aygʻirlar oʻrab turishardi. — Yoshlik
Shu orada, nima boʻldi-yu, ona kiyik bir depsinib, chopib ketdi. — Mirmuhsin, Qahramonnoma
Ot boshini qayirib, turgan joyida depsinib qoʻydi. — M. Mansurov, Yombi
2. Seskanmoq, choʻchib tushmoq.
Yurak depsinib tushar dahshatli har xabardan. — Gʻ. Gʻulom
Muqaddam depsinib, uygʻonib ketdi. — Oʻ. Hoshimov, Bahor qaytmaydi
3. koʻchma Qimirlamoq, silkinmoq.
Gazlida yer depsinganda, posyolkada nihoyati 13 mingga yaqin aholi yashardi. — J. Saʼdullayev, Kamolot yoʻllari
4. koʻchma Tebranib, qaltirab qoʻzgʻalmoq, yurmoq.
Mashinalar depsinib, hansirab bormoqda. — Oʻzbekiston qoʻriqlari
Qudratli mashina depsinib qoʻzgʻaldi va yerni shudgorlashni davom ettirdi. — Oʻzbekiston qoʻriqlari
Qudratli teplovoz qamchi yegan otdek depsindi. — Gazetadan
- Depsinib turmoq (yoki qolmoq) Oldinga jilmay, bir xil holat, darajada tura bermoq. Bir joyda depsinib turish — qoloqlikka yuz tutish demakdir. — M. Nazarov, Jilvon jilvalariXatda shunday deyilgan: Afsuski, qurilish ishlari depsinib qoldi. — Oʻzbekiston qoʻriqlari