Қидирув

фл. 1. Севинган, дўқ урган, қўрққан, инжиқлик ёки бетоқатлик қилган ҳолда ер тепмоқ, ер тепиб турмоқ.

Ер депсиб йиғламоқ.

Жонон бировларнинг олдига бориб ер депсир, баъзиларга кўзини сузиб, қошини қоқарди. — Газетадан

Тагидаги от сувлиқ чайнаб депсийди. — И. Шамшаров, Тошкин

Катта ёʻл ёқасида депсина-депсина, бирпас ўткинчи машина кутишди. — Х. Султанов, Бир оқшом эртаги

2. Босиб-янчиб ташламоқ, оёғости қилмоқ, пайҳон қилмоқ, топтамоқ.

Мурдаларни эзиб, депсиб Бу қутурган оломон — О. Хакимов, Достонлар

Қайсиям колхоз яйловга катта пода ҳайдаб ўтаётганида, чанқоқ пода булоққа ёпирилиб, уни депсиб ташлабди. — И. Раҳим, Чин муҳаббат

3. От ёки эшакни оёқ билан ниқтаб тезлатмоқ.

Ҳасан овчи тез бориб, эшакни ечди-ю, унга минди-да, икки оёқлаб депсиб, бу ажал қалъасидан тезроқ кетишга шошилди. — Ш. Тошматов, Эрк қуши

4. Тепмоқ, урмоқ (юраги, қон томири ҳақида).

Ҳаяжондан юраги депсиб ура бошлади. — Ҳ. Шайхов, Рене жумбоғи

Нурмат отанинг гапларидан кейин юрагим яна ҳам депсиб кетди. — М. Раҳмонов, Инженернинг қайтиши

фл. 1. Депсимоқ 1, 3, 4 феълининг ўзлик нисбати.

У ақлдан озгандек депсинар, ерни муштлар эди. — Ёшлик

Уюрни безовта ва

саросимали депсинаётган айғирлар ўраб туришарди. — Ёшлик

Шу орада, нима бўлди-ю, она кийик бир депсиниб, чопиб кетди. — Мирмуҳсин, Қаҳрамоннома

От бошини қайириб, турган жойида депсиниб қўйди. — М. Мансуров, Ёмби

2. Сесканмоқ, чўчиб тушмоқ.

Юрак депсиниб тушар даҳшатли ҳар хабардан. — Ғ. Ғулом

Муқаддам депсиниб, уйғониб кетди. — Ў. Ҳошимов, Баҳор қайтмайди

3. кўчма Қимирламоқ, силкинмоқ.

Газлида ер депсинганда, посёлкада ниҳояти 13 мингга яқин аҳоли яшарди. — Ж. Саъдуллаев, Камолот ёʻллари

4. кўчма Тебраниб, қалтираб қўзғалмоқ, юрмоқ.

Машиналар депсиниб, ҳансираб бормоқда. — Ўзбекистон қўриқлари

Қудратли машина депсиниб қўзғалди ва ерни шудгорлашни давом эттирди. — Ўзбекистон қўриқлари

Қудратли тепловоз қамчи еган отдек депсинди. — Газетадан

фл. Депсимоқ феълининг орттирма нисбати.