Qidiruv

fl. Daydimoq feʼlining birgalik nisbati.

fl. 1. Qoʻnim topmay, darbadar kezib, koʻchib yurmoq.

Dunyodan umidimiz bor. Biz daydimaydigan kunlar ham kelar, xoʻjayin! — P. Tursun, Oʻqituvchi

Sayohat qilib, daydib yurishga odatlangan bir kishi boʻlganim uchun qopqonga oʻxshagan bu doʻkonda diqqinafas boʻlib oʻla yozdim. — M. Muhammadjonov, Turmush urinishlari

2. Tentiraklamoq, tentirab, sanqib yurmoq.

Uyingda kam boʻlasan, qayoqlarda daydiysan?

U uzzukun shahar koʻchalarida daydib yurdi. — Sharq yulduzi

Qudrat egasiz daydib yurgan samanni tutib, Polvon otaning oldiga olib borganda, Polvon otadan shu voqeani eshitgan edi. — H. Nazir, Soʻnmas chaqmoqlar

3. Biror maqsadda izgʻib yurmoq.

Sekinroq gapir, oʻgʻlim, xon aygʻoqchilari daydib yuribdi. — J. Sharipov, Xorazm

Menga, doʻstim, o, tutma oson. Bunda tun-kun ajal daydiydir. — T. Toʻla, Asarlar

4. koʻchma Odatdagi holatdan farqli ravishda harakatlanmoq.

Allaqanday daydib kelgan izgʻirin quruq qorlarni chirpirak qilib, uzoqlarga uchirib ketdi. — Shuhrat, Shinelli yillar

Qishloq tepasida ipak tolalariday nafis mezon erinibgina daydib yuribdi. — S. Anorboyev, Oqsoy

1. Doimiy turarjoyi va belgili kasbi boʻlmagan, bir joyda qoʻnim topmaydigan; darbadar (odam haqida). m . . Oʻqituvchi

Daydi hayot kechirmoq

Tayini yoʻq daydi. Mashhad bekatlarida yurib, maynavozchilikka oʻrganib qolgan — A. Muxtor, Opa-singillar

Daraxt bir joyda koʻkaradi.. Otang rahmatli umr boʻyi shu yerdan bir qadam jilgan emas edi. Sen daydi boʻlib qolding — P. Tursun

2. Doim tentirab, daydib, sanqib yuradigan; sanqi

Daydi odam, yash Kir yuvib oʻtirgan opam orqamdan qichqiradi: -Yana qayerga, daydi? — Oybek, Bolalik

Doʻppi tikib qon boʻldim Daydi, sayoq ahmoqqa — "Boychechak"

Tagʻin qayoqni koʻzlayapsan, daydi! Bola boʻlibhech foydang tegmaydi!\ — Nazir, Soʻnmas chaqmokdar

3. Har yokda izgʻib yuradigan

Unda-munda bir eshik uchraydi. Lekin och-oriq, daydi itlar koʻproq sanqib yuradi — Oybek, Tanlangan asarlar

4. koʻchma Bemahal va betartib harakat qiladigan, yoʻnalishi oʻzgarib turadigan

Daydi shamol. Daydi bulut. Daydi toʻlqin. yaya Havo hamon bulut boʻlib, koʻklamning daydi shamoli guvullab esib turardi — N. Fozilov, Diydor

Handalak boʻyini asta ufurib oʻtgan daydi shabada palaklar oromini buzdi — N. Fozilov, Diydor

Quyosh dumalab, koʻkka koʻtarilar, daydi bulut parchalarining koʻlankasi qishloq ustidan oʻtib turardi — Sh. Toshmatov, Erk qushi

Ishga yaroqli odamlarning hammasi dalada boʻldi.. daydi suvning yoʻlini oʻzgartirib turdilar — Gazetadan

ot 1. Bemaqsad sanqib yurishga odatlanganlik.

2. Darbadar kezib yurish, qoʻnimsizlik.

— Mening ham koʻp umrim qishloqma-qishloq daydilik bilan oʻtadigan boʻlib qoldi, — dedi Botirali. — Sh. Rizo, Qor yogʻdi, izlar bosildi

3. Sanqib, daydib yurish, sayoqlik.

Tun-u kun ogʻzi ichkilikdan, oʻzi daydilikdan boʻshamaydi. — Hamza, Paranji sirlari

fl. Daydimoq feʼlining orttirma nisbati.

fl. Daydilamoq feʼlining majhul nisbati.