Қидирув

от Муддати; пайти.

от 1. Жамият тараққиёти-да ёки табиатда муҳим воқеа, ҳодиса юз берган ёки ўзига хос хусусияти билан ажралиб турадиган маълум вақт оралиғи.

Қулдорлик даври. Феодализм даври. Капитализм даври. Бозор иқтисодиётига ўтиш даври. Тош даври. Темир даври.

Ўзбекистон олимлари олиб бораётган археологик қазишмаларнинг тарихий диапазони тош давридан то ўрта аср охиригача бўлган даврни ўз ичига олади. — Газетадан

Қанча даврлар ўца ҳам, бўёқлари худди бугун сурилгандай яп-янги турган бу ажойиб бинолар Бобурнинг қалбидаги зафар завқига завқ қўшди. — П. Қодиров, Юлдузли тунлар

Бунинг устига ўша давр тарихчилари Темур забардаст, хийла чиройли одам бўлганини ёзиб қолдирганлар. — Ў. Ҳошимов, Қалбингга қулоқ сол

2. Тарихда бирор шахс ёки кишилар гуруҳи, сулоланинг номи билан боғланган вақт, замон.

Темурийлар даври. Навоий даври.

Бобур Мирзонинг орзулари шулким, Мовароуннаҳр яна Улуғбек давридаги каби бирлашса, пойтахт аслига қайца — П. Қодиров, Юлдузли тунлар

3. Шахс ҳаётидаги маълум вақт.

Ёшлик даври. Талабалик даври.

Холиданинг ёшлик даврида аёлларнинг кўзи кўр эди, тиканни кўрмасдан босарди. — И. Раҳим, Чин муҳаббат

Ўтган ярим асрли мураббийлик даврим мен учун ҳам катта ҳаёт дарсхонаси бўлди, кўп нарса ўргандим. — Газетадан

Офтоб ойимнинг: нега қирқ кокил қилиб ўрмайсан деган сўрашига: Қизингиз энди қизлик давридан ўтиб, келинлик даврига кирди, деб кулди. — А. Қодирий, Ўтган кунлар

4. Бирор бир авлод яшаган ёки яшаётган вақт; айни яшаб турилган вақт, замон, замона. Ўз

даврининг ҳар йирик воқеаси Ойбек ижодида ёрқин аксини топди. — Газетадан

Давримиз ҳар бир соҳани комплекс равишда ҳал этишни тақозо этяпти. — Газетадан

Чўлқуварлар ва қаҳрамонлар давр баҳодирларидир. — Ўзбекистон қўриқлари

Бадиийлик ва янгидан-янги эстетик кашфиётлар яратишимизни давр тақозо этмоқда. — Газетадан

Ўқиш керак, давр билан бирга бориш керак. — Ўзбекистон қўриқлари

Давр тараққиёти институт олимлари ва мутахассислари олдига янги-янги вазифалар қўймоқда. — Газетадан

5. Бирор иш-ҳаракат, тадбир бажариладиган муайян вақт.

Ҳисобот даври.

Ғўза парваришининг қизғин даври. Ҳар соат ғанимат. — Р. Файзий, Чўлга баҳор келди

Ҳисобот даврида йигит-қизларнинг асосий диққат-эътибори пахтачиликни ривожлантиришга, унинг самарадорлигини оширишга қаратилди. — Газетадан

6. Маълум ҳодиса, воқеа, жараёнда ўзгариш содир бўладиган муддат.

Ўсимликларнинг ўсиш даври.

Биз аввало ўсимликларнинг ўсиш даврини қисқартириш ва ҳосилдорликни оширишга эришдик. — Фан ва турмуш

Ҳосил тугиш даврида ғўзани чеканка қилиш муҳим агротехник тадбирлардан бири ҳисобланади. — Газетадан

Буқоқнинг айни авж олган даври экан. — И. Шамшаров, Зиёлилар

7. махе. Такрорланувчи жараён ёки хоссаларнинг ҳар бир такрорланишида унинг бошланишидан то охиригача ўтадиган вақт.

Битта тўла тебраниш учун кетган вақт давр деб аталади. — Физика курси

Календар Қуёш, Ер, Ой ва Юпитер сайёраси ҳаракатининг астрономик даврларига асосланиб тузилган. — Фан ва турмуш

Қаторнинг, элементлар хоссасининг изчиллик билан ўзгаришини ўз чегараси ичига олган қисмини Менделеев давр деб атади. — Кимё дарслиги

8. геол. Геологик системани ташкил қилувчи тоғ жинсларининг ҳосил бўлишига кетган вақт.

9. Кишининг омади келган, иши юришган чоғлар; роҳат-фароғатли замон.

Ҳозир бизга давр келган вақт. Давримизда ўйнаб олайлик.

Давримизда юравермайсизми, дўстим, бир кишини қанотимиз тагига ололмасак, нима қилиб юрибмиз. — Муштум

Қўлингдан кетмасин давринг, давронинг, Ойдин кўлга қушинг чуйгин, Авазжон. — Авазхон

ҳозир сизларнинг даврингиз, қўлингиздан келганини бизнинг ҳаққимиздан аяманг. Бир кун яна бизнинг давримиз келар. — С. Айний, Қуллар

Гул юзимга, буви, мунча термулдинг, Уларнинг даврида ўйнадинг-кулдинг. — Эрали ва Шерали

сфт. Вақти-вақти билан воқе бўлиб, такрорланиб турадиган, мунтазам такрорланадиган.

Даврий матбуот. Даврий тебранишлар (физ.).

Силжишга пропорсионал бўлиб, мувозанат вазиятига томон ёʻналган кучлар таъсири остида бўладиган даврий тебранишлар гармоник (ёки оддий) тебранишлар деб аталади. — Физика курси

от Вақти-вақти билан содир бўлишлик, такрорланишлик.

Тебранишларнинг даврийлиги.

Ахборот тизимлари гуруҳига сигналларнинг кетма-кет узатилишини таъминлайдиган ҳалқасимон физик канал. Бу локал тармоқ умумий бўғиндан, кириш блоклари ва абонент бўғинларидан ташкил топади. Умумий бўғин кириш блоклари билан ўрама жуфт, ясси коаксиал кабел ёки оптик канал асосида яратилаётган соҳаларга бўлинади. Кириш блоклари абонент бўғинлари ёрдамида абонент тизимлари билан уланади. Осининг асосий эталон моделида ҳалқа канали уланишнинг физик воситаси сифатида тақдим қилинади. Ҳалқада сигналлар узатиш бир ёʻналишда, яъни, бир кириш блокидан бошқасига қараб амалга оширилади. Шу билан бирга, кадрни узатган блок кадр ҳалқани бутунлай ўтиб бўлганидан сўнг, бу кадрни ёʻқ қилиши шарт. Қолган кириш блоклари узатилаётган кадрни узатишда давом этади.инглизчаcyclic ringрусчациклическое кольцо

Даврий функсия билан таърифланиши мумкин бўлган сирт профили (масалан, чархлаш ёки фрезерлаш билан олинган профил).