Поиск

ot 1. Bemorning shifo topishi uchun qoʻllanadigan vosita; muolaja; umuman shifobaxsh narsa.

Quyosh, havo — tanga davo. — Maqol

Asal — ming dardga davo. — Qanotli soʻzlar

Olma sharbati organizmning kasalliklarga qarshiligini oshiradi, yurak-tomir kasalliklariga davo. — Saodat

Kashnich meʼda kasalligiga mubtalo boʻlgan kishilarga davo hisoblanadi. — Gazetadan

Uning qoʻlida davo topgan bemorlar oʻz xaloskorlaridan bir umr minnatdor boʻlishadi. — Gazetadan

2. koʻchma Tadbir, chora, iloj.

Amalga davo yoʻq, Yomonga — balo. — Maqol

Ogʻriq tishning davosi — ombir. — Maqol

Musibatning birdan-bir davosi —mehnat. — Sharq yulduzi

ot 1. Biror ish-harakat, hodisa, voqea va shu kabilarning uzluksiz jarayoni, borishi.

Kuzatishlar Mars-1 kosmik stansiyasi harakatining davomi normal ekanini koʻrsatdi.

bu odam uch yildan beri gʻuldirab kelgan, hozirgisi shuning davomiday edi. — A. Qahhor, Qoʻshchinor chiroqlari

Tabiatdir mening davomim, Tutash erur bagʻrim bagʻriga. — X. Davron, Bolalikning ovozi

2. Toʻxtatilgan ish-harakat, hodisa, voqea va shu kabilarning qolgan (hali davom etishi lozim yoki mumkin boʻlgan) qismi.

Hikoyaning davomi. Kechagi gapning davomi.

Qudrat xatning davomini oʻqiyolmay qoldi. — H. Nazir, Soʻnmas chaqmoqlar

gapning davomini aytolmay qoldi. — Oʻ. Hoshimov, Qalbingga quloq sol

3. Biror narsaning maʼlum joyidan keyingi qismi, keti.

Yoʻlning davomi. Chiziqning davomi.

4. 3-sh. egalik va oʻ.-p. k. affikslari bilan koʻmakchi vazifasida qoʻllanadi.

sft. Toʻxtovsiz; uzluksiz.

ot 1. huq. Oʻz haq-huquqini himoya etish haqida tegishli joylarga rasmiy yoki gʻayrirasmiy arz qilgan, talab qoʻygan fuqaro yoki yuridik shaxs.

Oʻgʻri zoʻr boʻlsa, Daʼvogar javobgar boʻlar. — Maqol

Daʼvogar qozi boʻlsa, Dardingni olloga ayt. — Maqol

Oʻgʻri qutulib, daʼvogar sudga tortilgan vaqtlar koʻp boʻlgan. — N. Safarov, Kimga toʻy, kimga aza

Nega uch yildan beri indamay kelgan xotin birdan daʼvogar boʻlib qolibdi? — Oʻ. Hoshimov, Qalbingga quloq sol

2. Oʻzida yoʻq haq-huquq, xususiyat yoki fazilatlarning eʼtirof etilishini talab qiluvchi.

— Menga daʼvogar? Podshohlik haqiga daʼvogar, — dedi amlokdor. — S. Ayniy, Qullar

3. Musobaqa, tanlov, sport oʻyinlarida yuqori oʻrin uchun kurashuvchi.

Futbol komandamiz birinchi oʻrin uchun daʼvogarlardandir.

ot Muayyan ish-harakat, tadbirlarga (mashgʻulot, oʻqish, toʻgarak va shu kabilarga) doimiy ishtirok etish, qatnash.

Oʻquvchilarning darsga davomati yaxshi.

Tinglovchilarning davomati yaxshi boʻlmadi. — Gazetadan

— Xoʻsh, bolalar, qani, aytinglar-chi, hozir sinflaring davomat masalasida nechanchi oʻrinda turibdi? — deb soʻradi [direktor]. — X. Toʻxtaboyev, Sariq devni minib

sft. Uzoq davom etgan yoki etadigan; davomi bor.

Davomli qarsaklar.

Husayn Boyqaro toʻxtovsiz, davomli urushlarda qilichbozlikdagi mahoratini namoyon qilgan edi. — Oybek, Navoiy

Qizgʻin bahslar, davomli munozaralar studentlik kezlarining ajoyib va serzavq damlari hisoblanadi. — Gazetadan