Hayot Foundation loyihasi
Loyiha haqida
Oʻz
Oʻz

Qidiruv

«dasturim» boʻyicha 13 ta natija: Izohli

Filtr
Lugʻat turi
Izohli Tarjima Terminologik Frazeologik

Lugʻat maqolalari

12 ta
dastur

ot 1. Muayyan maqsad, ish-harakat yoki tadbirning oldindan belgilab chiqilgan yoʻl-yoʻrigʻi, uni amalga oshirishning tartibi, qonun-qoidasi; programma.

Sogʻlom avlod dasturi. Davlat tilini amalga oshirish dasturi.

U

xoksor, dono, kamsuqum shoirdan hamisha iliq bir soʻz eshitadi, oqilona bir dastur oladi. — S. Siyoyev, Avaz

Bugun oʻtkazilyotgan siyosatimiz aniq, muddao ravshan, taraqqiyot dasturimiz mavjud. — Gazetadan

Mehnatga hurmat — axloqning yuksak dasturlaridan biridir. — Oybek, Nur qidirib

2. Bajariladigan tadbirlar tartibi, qilinadigan ishlar roʻyxati.

Anjuman dasturi.

  • Dastur tutmoq Qoʻllanma sifatida amal qilmoq.
Toʻliq maqola →
dasturiy

sft. 1. Muayyan maqsadga qaratilgan, qatʼiy dastur, reja asosiga qurilgan; belgilangan.

Mening nazarimda, muxolifat aniq muqobil dasturga ega boʻlishi kerak. — Gazetadan

2. Yoʻnaltiruvchi, aniq maqsadni koʻzlovchi.

[Prezidentning] Oliy Majlis birinchi sessiyasidagi dasturiy maʼruzasidan kelib chiqqan holda, joriy va istiqbolga moʻljallangan ish rejalarini tuzish — Gazetadan

Toʻliq maqola →
dasturxon

ot 1. Oʻrtaga yozib, ustiga ovqat qoʻyiladigan maxsus mato, roʻzgʻor buyumi.

Yomonning dasturxonidan yaxshining ustuxoni yaxshi. — Maqol

Qumri kulrang boʻz dasturxonni yozdi. — H. Gʻulom, Mashʼal

Xush kelibsizlar. Qani, dasturxonga marhamat. — S. Ahmad, Yulduz

2. koʻchma Oʻrtaga yozilgan shunday dasturxon va uning ustiga qoʻyilgan taomlar.

Toʻkin dasturxon. Dasturxon bezamoq. Dasturxon tuzamoq. Dasturxonga boqqan doʻst emas. — Maqol

Yurtimizning farovonligi, dasturxonimizning toʻkinligi ana shu oq paxtadan. — Gazetadan

Shohona dasturxon yozilgandi. — S. Siyoyev, Yorugʻlik

3. koʻchma Mamlakat, jamiyat boyligi, rizq-roʻzi.

Biz mamlakatimiz ulkan dasturxoniga oq oltinimizni qoʻshishimiz bilan faxrlanamiz. — R. Fayziy, Taʼzim

Sendaqa paytimizda biz, nainki mashoq, ogʻzimizdagi nonimizni ham el dasturxoniga qoʻyganmiz. — O. Yoqubov, Er boshiga ish tushsa

  • Dasturxonga oʻtirmoq Ovqatlanishga oʻtirmoq. Bu orada Hamza ham hujrasidan chiqib, dasturxonga oʻtirdi. — K. Yashin, Hamza
  • Dasturxonga qaramoq (yoki qarab oʻtirmoq) Yeb-ichib oʻtirmoq. Qani, dasturxonga qarang. — K. Yashin, Hamza
  • Dasturxon yemoq Ziyofat yemoq. Jamoamizning barchasi ham hozir boʻlib, dasturxon yer erdik. — A. Qodiriy, Gʻirvonlik Mallavoy
  • Dasturxon qilmoq Biror gapni yar qayerlarda har kimlarga gapirib, ovoza qilib yurmoq, dastmoya qilib olmoq. Siz kimga yaxshi koʻrinmoqchi edingiz, yolgʻon gapni dasturxon qilib yuribsiz? — P. Qodirov, QadrimChoyni ichib, piyolaning chetini kafti bilan artarkan, yuragidagi dardini dasturxon qilishga kirishdi. — Yoshlik
  • Nonini yeb, dasturxoniga oyoq artmoq Yaxshilikka yomonlik qaytarmoq.
Toʻliq maqola →
dasturilamal

ot 1. Yoʻl-yoʻriq, ishonchli yoʻllanma.

Bizning shoirlarimiz ham qayerda nimadan iftixor qilsalar, avvalo xuddi mana shu narsani tilga olganlar va shu narsani dasturilamal qilib kelganlar. — S. Zunnunova, Olov

Axir, bu mushohadalar biz uchun dasturilamal endi. — Sh. Xolmirzayev, Qil koʻprik

2. Nizomnoma, ustav.

Siz elchilar uchun mukammal bir dasturilamal yozing. — M. Osim, Karvon yoʻllarida

U sakkiz yoshida soldat boʻldi, uning qoʻliga dasturilamal berishdi. — A. Qahhor, Asarlar

Toʻliq maqola →

Hammasini koʻrish · 12 →

Taʼriflar ichida

1 ta
dav-dastak

dav-dastak shv. Butun bor-yoʻgʻi, barcha bisoti. Qayerda istiqomat qilmay, birinchi dav-dastagim, dasturim — kitob. M. Joʻra, Noshirnoma