«даштлик» бўйича 4 та натижа
от 1. Экилмай ётган сувсиз ерлар; чўллар.
2. Даштда яшовчи киши; умуман шаҳардан ташқарида яшовчилар.
Даштлик деб кўп қилма мазах. — Ҳасанхон
от 1. Экилмай ётган сувсиз ер; чўл.
Бепоён дашт. Қақроқ дашт. Дашт ҳавоси. Даштда юрсанг, сув қадри ўтар, ёр билан уришсанг, ёр қадри ўтар. — Мақол
Дашт деганим — қишлоқ этагидаги паст-у баланд тепаларнинг орти. — А. Кўчимов, Ҳалқа
Ҳали даштга қоронғилик чўкмаган. — О. Ёқубов, Эр бошига иш тушса
2. Кенг, очиқ майдон; дала.
Бировлар бир парча жой тополмай саргардон, чодирсиз, чайласиз даштда ўтирадилар. — Ойбек, Нур қидириб
от Ёввойи пиёз турларидан бири.
от Дашт ва биёбон(лар), чўл ва саҳролар.
Ҳамма ёқ дашт-биёбон: одам юрса — оёғи, қуш учса, қаноти куяди. — М. Осим, Аждодларимиз қиссаси
Тақдир буни ҳам кўп кўриб, тинчгина уй-жойидан дашт-у биёбонга ҳайдади. — М. Осим, Карвон ёʻлларида
