Qidiruv

sft. Ishontiruvchi hujjatlari, isboti yoʻq, faktsiz.

Bu kabi asarlarda, odatda, til ham gʻaliz, tasvirlangan voqealar ham dalilsiz. — Gazetadan

ot 1. Fikr, mulohaza va shu kabilarni tasdiqlovchi, ular haqida dalolat beruvchi narsa; isbot, fakt.

Ishonchli dalil. Kuchli dalil.

-Gumoningiz bor-u, dalilingiz yoʻq! — Qunduzoy uning soʻzini boʻldi. — Oydin, Hikoyalar

— Tuhmat, qani dalil? — birdan tutaqib baqirdi Uljayev. — Mushtum

Maʼqul emas, deyish bilan ish bitmaydi, birorta dalil kerak. — A. Qodiriy, Oʻtgan kunlar

2. huq. Jinoyatni tasdiqlovchi narsa, fakt yoki holat.

Siz aytayotgan buyumlar qotillikka aloqador ekanligiga dalil boʻla olmaydi. Buni hali isbotlash kerak. — Yoshlik

U oʻz raisini qoʻlga tushirgan hujjatlaridan, dalillaridan, tergov natijalaridan xabardor qildi. — H. Gʻulom, Mashʼal

fl. Fikr, mulohaza, daʼvo va shu kabilarning toʻgʻriligini fakt, isbot va shu kabilar bilan asoslamoq, tasdiqlamoq.

Yozuvchi halol, mehnatkash Umidning bu oila taʼsiriga tushuvini ishontirarli dalillaydi. — O. Togʻayev, “Umid romani

Bu daʼvolarni turli aspektda dalillash uchun qitʼa janri yetarli material bera oladi. — UTA

Yangi revizor boshqarmaning keyingi yillardagi moliyaviy-xoʻjalik faoliyatini dalillovchi barcha hujjatlar bilan tanishib, boshini qotirib oʻtirmadi. — Gazetadan

ot Dalil va isbot qilishga asos boʻla oladigan narsalar, fakt.

Qosim kalava hibsdan ozod qilingan, zero, uni qoʻlga tushiradigan dalil-isbot yoʻq edi. — Sh. Xolmirzayev, Soʻnmas oʻt

fl. Dalillamoq feʼlining majhul nisbati.

fl. Dalillamoq feʼlining birgalik nisbati.