Қидирув

от 1. Ҳаддан ташқари тантана, ларзага келтирувчи, ваҳимага соладиган хатти-ҳаракат, шов-шув.

Илгарилашган сари базмнинг бутун дабдабаси аниқроқ сезилиб, Ёрматни безовта қила бошлади. — Ойбек, Танланган асарлар

Подшо дабдаба билан бозорга борибди. — Зумрад ва Қиммат

2. Манманлик, ғурур билан тўлиб тошган хатти-ҳаракат; қуруқ ваҳима.

Ҳусайн Бойқаро қадамларини тетик босиб, дабдаба билан чодирдан чиқди. — Ойбек, Навоий

Бир танноз қиз зўр дабдаба билан идорага кириб келди. — Муштум

Дадабойнинг баланд бўлиб дабдабаси, Охир чиқди дабдабасин дабдаласи. — Т. Ёʻлдош, Аттанг

3. Ҳаддан ортиқ улуғворлик, ҳашамат; савлат, маҳобат.

Улуғбек мадрасасининг дабдабаси Регистонга бошқача тус бериб турибди.

Қачонлардир дабдаба билан қурилган икки табақали нақшинкор дарвозадан ичкарига киришди. — Ёшлик

унинг [Шайбонийхоннинг] салласига қадалган дуру гавҳарлар, тўнига тикилган олтину марваридлар дабдаба билан ялтираб кўзга ташланади. — П. Қодиров, Юлдузли тунлар

сфт. 1. Ваҳима туғдирадиган, ларзага келтирадиган.

[Навоий:] Осмондаги дабдабали, аммо фойдасиз чақмоқ бўлишдан кўра ерда бир тутам олов бўлиб, бир ғарибнинг қозонини қайнатмоқ афзалдир. Уйғун ва И. — Султон, Алишер Навоий

2. Ҳаддан ортиқ ҳашамга берилган ёки безалган; серҳашам, маҳобатли.

Дабдабали иморат. Дабдабали қиёфа.

Арава бир лаҳзада ўзининг дабдабали кўринишини ёʻқотди. — К. Яшин, Ҳамза

Марҳумлар хотирасини ҳурматлаш уларнинг қабрларига дабдабали ёдгорликлар ўрнатиш, ҳар хил битиклар ёзиш билан ўлчанмайди. — Газетадан

Усмонбек Ўратепа қозисига қарашли дабдабали уйда дарча ёнида ёлғиз ўтириб, Туркистоннинг ҳарбий харитасини кўздан кечирмоқда. — Ш. Тошматов, Эрк қуши

3. Қуруқ, баландпарвоз гаплар билан тўлиб-тошган; ортиқ даражада безатилган, бўрттирилган.

Дабдабали ваъдалар. Дабдабали гаплар.

Мақолага жуда дабдабали сарлавҳа қўйилган эди. — Ш. Рашидов, Бўрондан кучли

Интизомни мустаҳкамлаш учун курашда дабдабали сўзлар эмас, балки амалий иш керак. — Газетадан

Филмда дабдабали сўзлар, баландпарвоз иборалар ёʻқ, томошабиннинг ўзи воқеалардан хулоса чиқариб олади. — Газетадан

Кейин Убайдуллаев уста кўрмаган рассомларни йиғиб, бир қанча дабдабали плакатлар тайёрлатди. — Газетадан

4. Ҳаддан ортиқ тантанали, шов-шувли.

Дабдабали тўй.

Даромадга қараб буромад деганларидек, тўй ҳам шунга қараб жуда дабдабали ўтди. — Муштум

сфт. Меъёридан ортиқ дабдабали ҳаракат, маросимларни яхши кўрадиган, маъносиз, қуруқ дабдабаларга берилган шахс.

Дабдабабоз одам,

Тўлан сафсатабоз, ёлғончи, дабдабабоз, кибрли. — Газетадан

сфт. 1. Серҳашам, ҳашамдор; дабдабали.

Низомулмулк ҳеч қандай жиноятнинг олдидан ўтмагандек, пинагини бузмай, аввалгидек кеккайиб, дабдабадор яшар эди. — Ойбек, Навоий

2. Савлатли, улуғвор, маҳобатли.

Дабдабадор уйни колхоз ҳисобидан ремонт қилдиргани ҳам айтилди. — Мирмуҳсин, Илдизлар ва япроқлар

от 1. Дабдабага, қуруқ ҳашамга тўлиқ бўлган хатти-ҳаракат.

ўз-ўзини мақташ ва дабдабабозлик вазиятига тоқат қилиб бўлмайди. — Газетадан

Оилавий тантаналар, маросимларнинг яна бир неча хиллари борки, уларда ҳам дабдабабозлик каби эски иллатлар мавжуд. — Ю. Ражабий, Тўйлар ҳақида ўйлар

2. Амалий иш ўрнига қуруқ ваъдалар, баландпарвоз гаплар билан овора бўлиш.

Йиғилишларда қабул қилинаётган қарорлар кўпинча конкрет бўлмасдан, дабдабабозлик характерида эканлиги катта камчиликдир. — Газетадан