Қидирув

от 1. Тўртдан бир улуш; тенг тўрт бўлакнинг ҳар бири.

Чорак аср. Чорак кам бир соат.

Мен Абдулла Қаҳҳор билан чорак аср турмуш кечириб, Хотинни хотин қиладиган ҳам эр деган хулосага келдим. — К. Қаҳҳорова,Чорак аср ҳамнафас

2. Ўқув йилининг тўртдан бир қисми.

Биринчи чорак. Чорак баҳолари.

Учинчи чоракнинг охири эди. — Ёшлик

Уша йили кузда Бегимхон еттинчи синфнинг биринчи чорагидан кетиб қолди. — И. Раҳим, Чин муҳаббат

3. шв. Баъзи ҳудудларда беш пуд (87,36 кг) га, баъзи жойларда беш қадоққа, яъни икки килограммга (кичик чорак), баъзи жойларда эса ўн қадоққа, яъни 4,1 кг га (катта чорак) тенг оғирлик ўлчови.

[Қодирқул:] Ундай бўлса, мени банкага ташлаб келасан-да.. омбордан ярим чорак гуруч олиб, секингина боғ томондан Нурмат акангникига ўтказиб қўясан. — Ҳамза, Бурунги сайловлар.

от тар. Бойлар ерида, олинадиган ҳосилнинг тўртдан уч қисмини ер эгасига бериш шарти билан ёлланиб ишлаган, ўз ери ёки от-уловига эга бўлмаган деҳқон.

[Ҳасан:] Ана шу мен оламан деб турган ерни Дўсматбойнинг чоракори олиб қўймадими? — Ҳамза, Бурунги сайловлар

от Чоракор бўлиб ишлаш; ер ижараси турларидан бири.

Бутун умри чоракорликда ёʻқчилик билан ўтган оилада дунёга келган Тошпўлат — К. Яшин, Ҳамза

от айн. Чоракорлик

от эск. Саккиздан бир, чоракнинг ярми.

Нимчорак қадоқ чой.