Қидирув

фл. 1. Суюқликка, сувга ёки юмшоқ нарсага ботмоқ, чўкмоқ, кўмилмоқ.

Сувга чўммоқ.

Саодат ич кўйлагига бир оз атир сепиб олгач, оқ чойшаблар орасига кириб, парёстиққа чўмди. — И. Раҳим, Ихлос

Бир кун томчи бўлиб, абадият Денгизига чўмиб кетаман. — Уйғун

2. кўчма Берилмоқ, кўмилмоқ, ботмоқ.

Хаёлга чўммоқ.

Мунчоқ кўзларингни тикиб турардинг, Чўмсам хаёлларга гоҳо, каклигим. — А. Орипов

Хаёлга чўмган кишига олдидаги ҳақиқатдан йироқларда бўлган хаёлий ҳур-ғилмонлар ортиқча лаззатликдир. — А. Қодирий, Кичик асарлар

3. Юзага келмоқ; қарор топмоқ; чўкмоқ.

Ёдгор жиддий сукунат чўмган залга қараб қўйди. — Ў.Ҳошимов, Қалбингга қулоқ сол

4. кўчма Кўмилмоқ, қопланмоқ.

Қийғос гулга чўмар ҳар битта оғоч. — Саодат

Аброр ой нурларига чўмган саҳродан қайтаётиб, ўзини худди ой сатҳида кетаётган одамдек ҳис этди. — О. Мухтор, Эгилган бош

от 1. Суюқ овқатни шопириш ва сузиш учун ишлатиладиган, узун дастали рўзғор асбоби; ёғлоғи.

Ёғоч чўмич. Сирланган чўмич. Қозонда бўлса, чўмичга чиқар. — Мақол

Туяни чўмич билан суғориб бўлмас. — Мақол

қозонда сут қайнаган, сут чўмичда шопирилган, чўмичга қасмоқ ҳиди уннаган. М. — М. Дўст, Лолазор

2. Бирор идишдан сув олиш учун ишлатиладиган, дастаси калта, ёғоч, металл ёки пластмассадан қилинган рўзғор асбоби.

Саид сув тўла чўмични узатаётганда, бир қултум сув отасининг сонига тўкилиб кетди. — Ёшлик

фл. 1. Чиниқиш, даволаниш мақсадида ёки иссиқдан дарё, ҳовуз ва шу кабилар сувига тушиб сузиб юрмоқ.

Умид мошкичирини туширди, ундан кейин анҳорга чўмилгани жўнади. — Мирмуҳсин, Умид

2. Ечиниб ювинмоқ.

Душда чўмилмоқ. Ҳаммомда чўмилмоқ.

[Фотима:] Кечқурун Рашид абзининг мўрчасига борамиз Сизам юринг. Маза қилиб чўмилиб келамиз. — Ў. Ҳошимов, Икки эшик ораси

3. кўчма Кўмилмоқ, чўммоқ, ботмоқ.

Океан ҳам нур қўйнида чўмиларди. — Ёшлик

Шабнамга чўмилиб, кўз очар дунё. — Газетадан

фл. Чўммоқ феълининг орттирма нисбати.

фл. Чўмич билан сузмоқ ёки ўлчамоқ. Хўрандалар сотувчининг атрофини ўраб, ерга чўққайиб ўтирибдилар.

Ошпазлар [овқатни] чўмичлаб сузиб бериб турибди. — Ғ. Ғулом, Шум бола

Хотин-халаж даладан чиқиб, ўчоқбошидаги катта флягадан чўмичлаб сув ича бошлади. — С. Сиёев, Отлиқ аёл

фл. Чўмилмоқ феълининг биргалик нисбати.