Поиск

fl. 1. Tizzalamoq, choʻkka tushmoq.

Choʻk, desa, tuya ham choʻkar. — Maqol

Uning [quduqning] yoniga choʻkkan nortuyani esa, bora-bora qum koʻmib, ulkan tuyatepaga aylantiribdi. — M. Mansurov, Yombi

2. Umuman, biror joyga oʻtirmoq.

Turdi gʻilay Malik muallimning yoniga choʻkdi. — A. Koʻchimov, Halqa

Rangi oʻchgan oʻrindiqqa choʻkkancha, barglari toʻkilgan namchil novdani tomosha qilyapman. — Yoshlik

Nurali itoatkorlik bilan supaga choʻkdi. — Sharq yulduzi

Horiganimdan noiloj toʻnkaga choʻkdim. — Yoshlik

3. Sath, yuzadagi dastlabki vaziyatiga nisbatan pastlamoq; botmoq; ich-ichiga kirib ketmoq.

Yer sathining bir xil joylari choʻkib, boshqa joylari koʻtarilib turadi. — Fan va turmush

Alimardon uning ichiga choʻkkan koʻzlariga bir lahza tikilib qoldi. — Oʻ. Hoshimov, Qalbingga quloq sol

4. Tinib, tagiga oʻtirmoq, tinmoq (suyuqlikdagi aralashma, quyqa va shu kabilar haqida).

Loyqa choʻkib, suv tiniqlashibdi. Namakobning tuzi tagiga choʻkib qolibdi.

5. Gʻarq boʻlmoq, botmoq; suvga botib, oqib halok boʻlmoq.

Choʻkayotgan choʻpga yopishar. — Maqol

[Ayol] Beixtiyor muvozanatini yoʻqotib, suvga choʻkdi. — Yoshlik

6. koʻchma Qaddi, boʻyi qisqarib, pastroq, kaltaroq boʻlib qolmoq, qisqa tortmoq.

Uning [Bashirjonning] boʻyi bir qarich choʻkkandek, yelkalari chiqib, qomati oldinga engashib qolgandek edi. — N. Aminov, Qahqaha

Erining rangi dokadek oqarib ketgan, oʻzi bir zumda choʻkib, kichkina boʻlib qolgandi. — S. Zunnunova, Goʻdak hidi

Devorlar jim choʻkaveradi. — X. Davron.

7. Tepadan pastga tushib, sathni qoplamoq.

Osmon yuzini qoplagan quyuq sargʻish chang yerga choʻkdi. — Mirmuhsin, Gʻurbatdagi odam

Baland toqqa choʻkar qor. — Nurali

8. Qoplamoq, yoyilmoq.

Oqshom choʻkdi.

Tun ogʻib, qorongʻilik choʻkdi. — Mirmuhsin, Temur Malik

Qishloqqa tun choʻka bosh-laganda, menga jiyan sanalmish Zokir ishdan qaytdi. — Yoshlik

9. koʻchma Egallamoq, oʻrnashmoq (ruhiy holatga nisbatan).

Onaning koʻngliga chuqur gʻashlik choʻkkan. — Saodat

[Yaxshiboyev:] Mehr keyin keldi, armonlarim yuragimning tubiga choʻkdi. M. — M. Doʻst, Lolazor

Xotira —

unutilmas, unutib boʻlmas armon. Yurak qaʼriga choʻkkan xayol. — OʻTA

10. Maʼlum muddat davom qilmoq.

Oraga ogʻir jimlik choʻkdi. — Yoshlik

Suhbat uzilib, oraga sukunat choʻkdi. — Saodat

11. koʻchma Ruhiy tushkunlikka tushmoq.

Farzandining oʻlimidan soʻng ona ancha choʻkib qoldi. — Gazetadan

Erining xiyonati Fazilatni behad choʻktirib yubordi. — Yoshlik

12. koʻchma Iqtisodiy jihatdan tang ahvolga tushmoq; orqada qolmoq.

U [Ismoilova] choʻkib qolgan bir necha kolxozni birlashtirib, ularni koʻtarishga rahbarlik qildi. — N. Safarov, Olovli izlar

ot 1. Chevarlikda: gazlama, teri va shu kabilardan tikilgan buyumlarning tikib biriktirilgan joyi.

Koʻylak choki. Mahsining choki soʻkilibdi. Chokidan yirtildi.

Uning tikkan chokin koʻrsang, donaday silliq — Gʻ. Gʻulom

Sumkalarning choklari tekis astari shoyidan. — Saodat

2. tex. Mashinasozlikda: detallarning payvandlab, parchinlab yoki boshqa biror usul bilan ulangan joyi.

Payvand chok. Uchma-uch chok. Ustma-ust chok. Muhimi shundaki, lazer payvandda hosil boʻladigan choklar nihoyatda mustahkamdir. — Fan va turmush

3. bnk. Terilgan gʻishtlar, bloklarning oraligʻi, panelli uylarda panellar tutashgan joy.

4. anat. Kalla suyagi qismlarini biriktirib turadigan asosiy tuzilma.

5. tib. Jarrohlik amaliyotida jarohatlangan, kesilgan joylarni, toʻqimalarni biriktirish usuli.

fl. Choʻkmoq feʼlining birgalik nisbati.

ohaktosh, dolomit, gips, angidrit va boshqa jinslarning erishidan hosil boʻladi, yaʼni karst zonalarida rivojlanadi. Shuningdek, jinslarning choʻkishidan, yer yuzasida vulkan mahsulotlarining toʻplanishidan ham bunday strukturalar hosil boʻlishi mumkin.

n drowning