ot 1. Yozadigan, chizadigan yoki yuqadigan narsalar qoldirgan iz.
Yoʻgʻon chiziq. Ingichka chiziq. Boʻr bilan chizilgan chiziq. Hassaning uchi bilan chizilgan chiziq.
2. Shunday shakldagi yoʻl, iz.
Beqasam chiziqlari. Yuz chiziqlari.
3. Narsalarning chegarasini, joyla-shishini yoki borishini koʻrsatuvchi yoʻnalish.
Ekvator chizigʻi. Ufq chizigʻi.
Ham-ma daraxtlar bir chiziq ustida tekis saf tortib turadi. — Oybek, Tanlangan asarlar
4. mat. Sirtning ikki qoʻshni sohasidagi umumiy qism; uzluksiz qator nuqtalar majmui.
Gorizontal chiziq. Toʻgʻri chiziq. Egri chiziq. Siniq chiziq.
Toʻgʻri burchakli koordinatalar tizimida chiziq tenglamalarning turiga qarab ajrashdi. — OʻzME
- Ustiga chiziq tortmoq Rad etmoq; eʼtibordan chetda qoldirmoq; tan olmaslik. Uningcha, Navoiy asarlari xalqqa kerak emas! U adabiy merosning ustiga chiziq tortadi. — K. Yashin, Hamza
- (Chizgan) chizigʻidan chiqmaslik Kimsaga toʻliq itoat qilish. Meni Qamar bagʻriga oldi. Umrim boʻyi chizgan chizigʻidan chiqmayman. — Yoshlik