Қидирув

сфт. Кўримсиз, хунук.

от 1. Гўзаллик; ҳусн, кўрк.

Муҳаббат чирой танламас, уйқу — ўрин. — Мақол

Акпоп, қирққа борган бўлса-да, чиройини, тароватини ёʻқотмаган бу аёлнинг киприклари узун кўзларига қарашга ботинмай, ерга боққанча, “ҳа, кўрдим“, деди. Ёшлик

2. Кўзга ёқадиган кўриниш, кўркамлик, кўрк, қиёфа.

Шаҳар чиройи.

Бино тайёр бўлгандан кейин унга чирой бериш, нафислик билан ичию ташига кўрк бағишлаш — санат. — Саодат

Чол кўзида ўзгарар ҳар он Қишлоғининг чиройи, туси. — Ҳ. Олимжон

сфт. 1. Ҳусни одатдагидан ортиқ; гўзал; кўркам.

Чиройли қиз.

Чолнинг келини чиройли, оппоқ, кўзга яқин жувон эди. — Ёшлик

Шаҳарда шундай чиройли қизлар бор — кўрсанг, оғзинг очилади. — Ёшлик

2. Кўриниши, ташқи қиёфаси кўзга ёқимли кўринадиган.

Энг чиройли қуш деганда, ҳамманинг кўз ўнгига оққуш келиши табиий. — Газетадан

Биласизми, дунёда чиройли нарсалар шундай кўпки! Ўрмон, капалак, тонг, ўтлоқ, тун — А. Мухтор, Давр менинг тақдиримда

3. Манзараси кўзга ёқимли; кўркам.

Фарғонадан ёʻлга чиққан енгил машина чиройли асфалт ёʻлда учиб борарди. — Мирмуҳсин, Умид

— Марказ чиройли бўлиб кетди-а, одам суюнади, — деди Чарос мамнун жилмайиб. — Ў. Ҳошимов, Қалбингга қулоқ сол

4. Яхши; ўринли; манзур.

Чиройли гап. Чиройли тўй.

Чиройли маърузага маҳлиё бўлиб, руҳиятимда сусткашлик бошланди. — Х. Тўхтабоев, Йиллар ва ёʻллар

Минг афсуски, ҳозир тўйларда ўйин-кулги, чиройли анъаналар санъатини намойиш қилиш эмас, исрофгарчиликлар меъёридан ошиб кетади. — Мирмуҳсин, Умид

Ҳар бир ота-она орзиқиб кўрган фарзандига чиройли ва мазмундор исм қўйишга ҳаракат қилади. — Газетадан

5. рвш. Ёқимли, жозибали, батартиб; ўрнига қўйиб.

Чиройли гапирмоқ. Чиройли қадам ташламоқ. Чиройли кийинмоқ.

— Вой, шунақами? — Офтоб ўспиринга қараб, чиройли жилмайди. — М. Мансуров, Ёмби

Бирор ишни пухта ва чиройли қилган одамни тангри дўст тутади. — Фан ва турмуш