Қидирув

от 1. Керакли қисми ишлатилгандан қолган нарсалар; чиқит, қолдиқ.

Саноат чиқиндиси. Нефт чиқиндиси.

Табиатни ифлослантирадиган офатлардан яна бири чиқиндилардир. — Фан ва турмуш

Республикамиздаги ёғ-мой комбинати чиқиндиси йилига 80 000 тоннадан ортиб кетди. — Фан ва турмуш

2. Ахлат.

Жамики ахлат шу сувга тушади. Айниқса ёғингарчилик, сел пайтларида ёнбағирлардаги жами хонадонларнинг чиқиндилари ўрлардан тошиб, шу сойга тушади. — С. Аҳмад, Жимжитлик

3. кўчма салб. Тубан, паст (одам ҳақида).

Сабр косаси тўлган Қўзибой ака умрида биринчи марта дағал гап қилди: — Э, сиздақа чиқинди Э, ҳатто ўғитга ҳам ярамайди. — Ф. Мусажонов, Чиқинди

муайян жойларда маълум қоидаларга асосан жойлаштириладиган ва кейинчалик ишлатиладиган, қайта ишлов бериладиган ёки ёʻқ қилинадиган, кўмиладиган хом-ашё, материаллар қолдиқлари, талабга жавоб бермайдиган асосий ва қўшимча маҳсулотлар, ишлатилган ва ўзининг олдинги сифатини ёʻқотган тайёр маҳсулотлар.

фойдали қазилмаларни қазиб олишда ва қайта ишлашда ҳосил бўладиган минерал хом ашё ва чиқиндиларни қабул қилиш ва сақлашга мўлжалланган иншоот.

чиқиндиларни океан ва денгизларга оқизиш, океан тубида кўмиш.

1. чиқиндиларни муддациз сақлаш ёки қайта ишлаш жойларига кўчириш. Чиқитларни ёʻқотишнинг оддий усулларига уларни полигонларга чиқариш ёки ёқиш киради;

2. чиқиндиларни жойлаштириш, қайта ишлаш, улардан қайта фойдаланиш, ёʻқотиш ёки кўмишни биргаликда кўриб чиқиш жараёни.

чиқиндиларнинг кимёвий таркибини буткул равишда ўзгартириш жараёни, мас. ёқиш, оксидлаш, шиша ва керамика маҳсулотлари тайёрлаш.