Қидирув

фл. Чиқилламоқ феълининг орттирма нисбати.

тақл. с. Баъзи қушларнинг сайраши, енгил нарсаларнинг бирор нарсага урилишидан чиққан ва шунга ўхшаш товушларни ифодалайди

Қулф чиқ этиб очилди. Чумчуқ чиқ этди. ят Аҳмад чўчиб ўрнидан турди, қулоғидаги қалам ерга чиқ этиб тушди — Ҳ. Назир, Сўнмас чақмоқлар

Онам, томчининг ҳар "чиқ" этгани бир кунлик умрнинг чиққани, деидилар — П. Турсун, Ўқитувчи

фл. “Чиқ-чиқ“ ёки чиқир-чиқир овоз чиқармоқ (соат, механизм, ҳар хил нарсалар, асбоблар ҳақида).

Машина тинмай чиқилларди.

Девор соати чиқиллагани қулоғимга кириб, ўша ёққа қарадим. — С. Кароматов, Бир томчи қон

от 1. Сарфланган ёки сарфланадиган моддий маблағ; харажат, буромад.

Тўй чиқимлари. Чиқим дафтари. Чиқимига қараб кирими. — Мақол

Эсонбой, ҳозир Ҳури сариқ камёб молларни чиқим қилмай олиб келиш қийинлигидан ҳасрат қилади, деб ўйлаган эди. — Ёшлик

Ҳали бунча қарз, чиқимларнинг устига икки қизни узатиш, бир ўғилни уйлантириш, бир хатна тўйи ҳам бор. — Ҳамза, Бой ила хизматчи

2. Тез ва яхши дам ейиш хусусияти, татим (асосан чой ҳақида).

Чиқими яхши чой.

от 1. Яра, говмижжа, чипқон сингари касалликлар.

Чаканда яра-чақа, ҳар хил чиқиқларга даво бўлади. — Газетадан

2. Суяк чиққан жой.

Максим ана шундай чоғларда, айниқса, бетоқат болаларнинг синиғини ушлаб, чиқиғини солаётганда, уларни овутиб, кўнглини топиб шифолар эди. — И. Раҳим, Чин муҳаббат

3. Туртиб чиққан жой, дўнг, дўмбоқ ер.

Қуйманинг чиқиғи. Деталнинг чиқиғи. Чиқиғини текисламоқ.

4. сфт. Туртиб чиққан; бўртган.

Лекин бу кулча юзли, ёноқлари хиёл чиқиқ қиз Ҳуббижамол эди. — Ш. Холмирзаев, Бодом қишда гуллади

Кўриб оғзим очилиб қолди: унинг [хўжайиннинг] ёши олтмишлардан ошган, елкаси чиқиқ, калта соқол чол. — Ҳ. Аҳмар, Яккама-якка

тақл. с. Майда тош, чинни ёки кичик металл буюмларнинг бир-бирига урилиши ва шу кабиларга ўхшаш товушларни ифодалайди.

Чойнак қопқоғининг чиқир-чиқири.