Qidiruv

fl. Ingichka va oʻtkir tovush chiqarmoq, chiyillagan tovush bilan qichqirmoq.

Gulnora chinqirgancha oʻrnidan turib ketdi. — X. Toʻxtaboyev, Yillar va yoʻllar

— Voy-dod, kimsiz? Odamlar, yordam ber — deb chinqirdi ayol va shu zahotiyoq tinchib qoldi. — Yoshlik

Jonivor Gʻirkoʻk ot Avazni koʻrdi, Toʻrt oyogʻin yerga tirab chinqirdi. — Ergash Jumanbulbul oʻgʻli.

Poyezd yana bir chinqirdi-yu, qalin daraxtzor ichiga shoʻngʻib ketdi. — S. Karomatov, Bir tomchi qon

fl. Chinqirmoq feʼlining birgalik nisbati.

ot Ingichka va oʻtkir ovoz, qichqiriq.

Chaqaloqning chinqirigʻi. Gudokning kar qilgudek chinqirigʻi.

Uzoqdan parovoz chinqirigʻi yangradi. — A. Muxtor, Opa-singillar

sft. Ingichka va oʻtkir, quloq teshguday qattiq (tovush haqida).

— Muzaffar! — oyimning chinqiroq ovoziga Omonning yigʻisi qoʻshildi. — Oʻ. Hoshimov, Ikki eshik orasi

fl. Chinqirmoq feʼlining orttirma nisbati.