Поиск

ot 1. Turli idish-oyoq, yodgorliklar, izolyatsion ashyolar tayyorlash uchun ishlatiladigan oq loy.

Xitoy chinnisi. Toshkent chinnisi. Sopol chinni boʻlmas, begona — ini. — Maqol

Oʻrta Osiyoga chinni qadimdan Xitoy va Erondan, keyinchalik Rossiyadan keltirilgan. — OʻzME

2. sft. Chinnidan yasalgan.

Chinni piyola

Saida chinni choynak-piyolalarni yaxshilab yuvib, artib, tokcha tepasiga terib qoʻydi. — Gazetadan

3. Chinni (xotin-qizlar ismi).

sft. 1. 1 Haqiqiy hol, ish, gap, hodisa va shu kabilar; rost, toʻgʻri.

Otamning yoʻqdir tayini, Men aytay gapning chinini. — Nurali

Shu onda xavotiri chinga aylandi. — Sharq yulduzi

2. sft. Haqiqiy, haqqoniy, chinakam.

Chin vaʼda. Chin soʻz — moʻʼtabar, Yaxshi soʻz — muxtasar. — Maqol

3. Asl, haqiqiy, chinakam.

Oh, shirin hayot, chin yoʻldosh har bir jihatdan komil, fozil inson boʻlsa — Hamza, Tanlangan asarlar

4. Astoydil, samimiy. U

bu ayolning, tili achchiq boʻlishiga qaramay, chin dildan orttirib bergan pullarini sira unutgani yoʻq edi. — Yoshlik

chin maʼnosi bilan odam,

Xullas, chin maʼnosi bilan serhosil qishloq. — H. Gʻulom, Mashʼal

shınıday, shını sıyaqlı, tap-taza

ot Chinnigullilar oilasiga mansub, qizil, pushti, oq gulli koʻp yillik oʻtsimon oʻsimlik va uning guli.

Rashidning qoʻlidagi chinnigullarni koʻrib, Guli yostiqdan boshini koʻtardi. — H. Badalov, Bobotogʻ bolalari

ot Chinni sanoati xodimi, mutaxassisi; chinni yasovchi usta.

Chinnisozlarning 1991 yilgi rejalari hammani qiziqtirish tabiiy. — Gazetadan