Поиск

fl. Chekkaga chiqmoq, chet tomonga oʻtmoq; belgili yoʻldan bormay, chetda yurmoq, harakat qilmoq.

Kumush boʻlsa, onasining hozirgi holiga achingandek, unga yaqinlashmay, chetlab yurar. — A. Qodiriy, Oʻtgan kunlar

fl. 1. Chetlamoq feʼlining birgalik nisbati.

Ular katta yoʻldan chetlashdilar.

2. Bir-biridan uzoqlashmoq; yotlashmoq, begonalashmoq.

Shunchalikki bir-birimizdan chetlashib, mungʻayishib yurishimiz kishiga ogʻir kelar ekan. — A. Qodiriy, Oʻtgan kunlar

Birovga duch kelishdan bezillab qoldim. Odamlardan chetlashib, gaplashmaydigan boʻldim. — A. Muxtor, Tugʻilish

3. koʻchma Ishtirok etmay, qatnashmay qoʻymoq, uzoqlashmoq.

Ishdan chetlashdi.

fl. Chetlashmoq feʼlining orttirma nisbati.

fl. Chetlashtirmoq feʼlining majhul nisbati.

fl. 1. Chetlamoq feʼlining oʻzlik nisbati.

Gulnor bir oz chetlanib yurib, zinaga oyoq qoʻydi. — Oybek, Tanlangan asarlar

Zaynab chetlanib, uydan chiqdi. — A. Qodiriy, Oʻtgan kunlar

Xotin hushini yoʻqotib, shilq etib tushdi. Birdan odamlar chetlanishdi. — Oʻ. Hoshimov, Qalbingga quloq sol

2. koʻchma Oʻzini chetga olmoq, qochmoq, chetlashmoq.

Ishdan chetlandi.

fl. 1. Chetlamoq feʼlining orttirma nisbati.

2. Ishdan boʻshatmoq; biror ish qilish yoki biror ishda qatnashish huquqidan mahrum etmoq.

Yaqinda eʼtiborli bir odam rahbarlik vazifasidan chetlatilgan. — Gazetadan